आयपीएल २०२५ चा जवळजवळ अर्धा सीजन संपत आला आहे. या स्पर्धेत अनेक हाय होल्टेज सामने पाहायला मिळाले. प्रत्येक सामना संपल्यानंतर खेळाडू आपल्या विरुद्ध संघाच्या खेळाडूंशी हॅन्डशेक करताना दिसतात. सामना संपल्यानंतर अनेक खेळाडू आपापसात बोलताना दिसतात. हे खेळाडू आपापसात काय बोलतात? असा प्रश्न तुम्हाला पडला असेल. या बाबतीत भुवनेश्वर कुमारने (Bhuvneshwar Kumar) एक मोठा खुलासा केला आहे.

काय म्हणाला भुवनेश्वर कुमार?
भारतीय क्रिकेटचा स्विंग मास्टर म्हणजे भुवनेश्वर कुमार. भुवी (Bhuvneshwar Kumar) सध्या आयपीएल २०२५ मध्ये आरसीबी संघाकडून खेळत आहे. सध्या तो उत्तम कामगिरी करताना दिसत आहे. अलीकडेच भुवीने एक मुलाखत दिली. यामध्ये त्याने त्याच्या प्रेमकथेपासून ते पदार्पणाबद्दल आणि आयपीएलबद्दल मोकळेपणाने अनेक गोष्टी सांगितल्या. याच मुलाखतीमध्ये त्याने आयपीएलमधील खेळाडूंमधील संभाषणाबाबत एक मोठा खुलासा केला.

त्याने अशाप्रकारे बोलणाऱ्या खेळाडूंना फटकारले आहे आणि २ मिनिटेही तेव्हा क्रिकेटबद्दल बोलणं होत नाही असा खुलासा त्याने केला. यादरम्यान जर कोणी १० मिनिटे बोलत असेल तर फक्त २ मिनिटे क्रिकेटबद्दलच चर्चा होते.” बाकी मजा, मस्ती आणि बकवास असते असे भुवनेश्वर कुमार म्हणाला.

भुवनेश्वर कुमारची यंदाची कामगिरी?
भुवी सध्या आयपीएल २०२५ मध्ये आरसीबी संघाकडून खेळत आहे. सध्या तो उत्तम कामगिरी करताना दिसत आहे. त्याने चालू सिझनमध्ये आतापर्यंत आरसीबीकडून ७ सामने खेळले असून यामध्ये त्याने ८ विकेट्स घेतल्या आहेत. त्याने विकेट्स जरी कमी घेतल्या असल्या तरी त्याने आपल्या गोलंदाजीने सगळ्यांना प्रभावित केले आहेत.

भुवनेश्वर कुमारची कारकीर्द ?
भुवनेश्वर कुमारने (Bhuvneshwar Kumar) २०१२ मध्ये पाकिस्तानविरुद्धच्या T20I आणि ODI सामन्यातून आंतरराष्ट्रीय क्रिकेटमध्ये पदार्पण केले. त्यानंतर त्याने २०१३ मध्ये कसोटी पदार्पण केले. तो २०१३ चॅम्पियन्स ट्रॉफी जिंकणाऱ्या भारतीय संघाचा सदस्य होता. तो नवीन चेंडूने आणि स्लॉग ओव्हर्समध्ये प्रभावी गोलंदाज म्हणून ओळखला जातो. त्याने आपल्या कारकिर्दीत २१ टेस्ट सामन्यांमध्ये ६३ विकेट घेतल्या. तसेच १२१ वनडे सामन्यात १४१ विकेट्स, ८७ टी- २० सामन्यांत ९० विकेट्स घेतल्या आहेत. तसेच आयपीएलमध्ये १८३ सामन्यांत १८९ विकेट्स घेतल्या आहेत. तर ७२ प्रथम श्रेणी सामन्यांमध्ये १२८ विकेट्स घेतले आहेत, तर १७३ लिस्ट ए सामन्यांमध्ये १७० विकेट्स घेतले आहेत.