Bhambri-Goransson : भारताचा टेनिसपटू युकी भांब्री आणि त्याचा स्वीडिश जोडीदार आंद्रे गोरान्सन (Bhambri-Goransson) यांचा ‘इंडियन वेल्स मास्टर्स’ स्पर्धेतील स्वप्नवत प्रवास उपांत्य फेरीत संपला. चुरशीच्या झालेल्या सामन्यात फ्रान्सच्या आर्थर रिंडरकनेश आणि मोनॅकोच्या व्हॅलेंटिन व्हॅचेरोट यांनी या जोडीचा पराभव केला. उपांत्य फेरीच्या लढतीत भांब्री-गोरान्सन जोडीचा ५-७, ७-६(७), ५-१० असा पराभव झाला. पहिला सेट गमावल्यानंतर भारतीय-स्वीडन जोडीने दुसऱ्या सेटमध्ये टाय-ब्रेकरवर विजय मिळवून दमदार पुनरागमन केले होते. मात्र, निर्णायक सुपर टाय-ब्रेकरमध्ये प्रतिस्पर्ध्यांनी बाजी मारली. पराभव झाला असला तरी, ३३ वर्षीय युकी भांब्रीसाठी हा मोठा टप्पा ठरला. ‘एटीपी मास्टर्स १०००’ दर्जाच्या स्पर्धेच्या उपांत्य फेरीत पोहोचण्याची त्याची ही पहिलीच वेळ होती.Bhambri-Goransson Bhambri-Goransson युकीच्या या कामगिरीमुळे ‘मास्टर्स १०००’ स्पर्धेच्या उपांत्य फेरीत भारतीय खेळाडू दिसण्यासाठीचा दोन वर्षांचा प्रतीक्षाकाळ संपला. यापूर्वी २०२४ मध्ये रोहन बोपण्णाने मियामी ओपनमध्ये अशी कामगिरी केली होती. या स्पर्धेच्या प्रवासात भांब्री-गोरान्सन (Bhambri-Goransson ) जोडीने अलेक्झांडर अर्लर आणि आंद्रेया वावासोरी यांसारख्या बलाढ्य जोड्यांना नमवले होते. युकी भांब्रीच्या या कामगिरीमुळे जागतिक दुहेरी क्रमवारीत त्याच्या स्थानात सुधारणा होण्याची शक्यता आहे.Bhambri-Goransson
