आशिया कप २०२५ च्या पार्श्वभूमीवर तापली चर्चा –

१४ सप्टेंबर रोजी भारत-पाकिस्तान यांच्यात होणाऱ्या सामन्यापूर्वी वातावरण तापू लागले आहे. या सामन्यात पुन्हा एकदा भारतीय संघाची मोठी जबाबदारी बुमराहवर असेल. यापूर्वीही त्याने आशिया कप आणि विश्वचषकात पाकिस्तानविरुद्ध आपली कमाल दाखवली आहे. यामुळे पाकिस्तानात बुमराहबाबत आत्तापासूनच चर्चा सुरू झाली आहे. अशाच एका चर्चेदरम्यान वसीम अक्रम यांना बुमराहशी तुलनेबाबत विचारले असता त्यांनी ही तुलना ‘बेगानी शादी में अब्दुल्ला दीवाना’ अशी संबोधली.

‘बुमराह सध्याच्या काळातील महान गोलंदाज’ –

पाकिस्तानच्या ‘जियो टीव्ही’वरील ‘हारना मना है’ या कार्यक्रमात वसीम अक्रम यांनी बुमराहचे कौतुक केले आणि तुलना चुकीची असल्याचे सांगितले. ते म्हणाले, “जसप्रीत बुमराह हा अप्रतिम गोलंदाज आहे. त्याची अ‍ॅक्शन थोडी वेगळी आहे, गती आहे आणि भारतीय क्रिकेट मंडळाचे कौतुक करावे लागेल की त्यांनी त्याला उत्तम प्रकारे हाताळले आहे. आजच्या आणि १९९० च्या गोलंदाजांची तुलना करणे अशक्य आहे.”

हेही वाचा –‘रोहित-विराट सोबत…’, आशिया कपमधून बाहेर पडलेल्या खेळाडूने ‘BCCI’ शी घेतला पंगा, नेमकं काय म्हणाला?

वसीम अक्रम पुढे म्हणाले, “तो उजव्या हाताचा गोलंदाज आहे, मी डावखुरा होतो. सोशल मीडियावर लोक वादविवाद करत राहतात – ‘बेगानी शादी में अब्दुल्ला दीवाना’. मला याचा फरक पडत नाही आणि त्यालाही पडत नाही. तो सध्याच्या काळातील महान गोलंदाज आहे. मी माझ्या काळात होतो. मी माझे काम केले. तो अत्यंत प्रभावी गोलंदाज आहे.”