BCCI Central Contracts : बीसीसीआयने वार्षिक करारांची यादी जाहीर केली आहे. 2023-24 हंगामासाठी जाहीर झालेल्या या यादीत श्रेयस अय्यर आणि इशान किशन यांची नावे नाहीत. दोन्ही खेळाडूंनी देशांतर्गत क्रिकेटमध्ये भाग घेतला नाही. यामुळे बोर्ड नाराज झाले होते. त्याचा परिणाम कंत्राटी यादीत दिसून आला.

बीसीसीआयने आपल्या निवेदनात म्हटले आहे की, अय्यर आणि इशान यांना वार्षिक करार देण्यात आलेला नाही. उत्तर प्रदेशातील डावखुरा फलंदाज रिंकू सिंगला ग्रेड-सीमध्ये स्थान मिळाले आहे. कर्णधार रोहित शर्माशिवाय विराट कोहली, जसप्रीत बुमराह आणि रवींद्र जडेजा A+ ग्रेडमध्ये आहेत. | BCCI Central Contracts

बीसीसीआयने यावर्षी 30 खेळाडूंना करारबद्ध केलं आहे. हा करार 1 ऑक्टोबर 2023 ते 30 सप्टेंबर 2024 पर्यंत आहे. बोर्डाने यावेळी नवी परंपरा जारी केली आहे. यंदा वेगवान गोलंदाजीचा वेगळा करारही केला आहे. या यादीत आकाश दीप, विजयकुमार वैश्यक, उमरान मलिक, यश दयाल आणि विद्वथ कवेरप्पा यांचा समावेश आहे. | BCCI Central Contracts

कोण कोणत्या गटात
ग्रेड A+ : रोहित शर्मा, विराट कोहली, जसप्रीत बुमराह आणि रवींद्र जडेजा.
ग्रेड A : रविचंद्रन अश्विन, मोहम्मद शमी, मोहम्मद सिराज, केएल राहुल, शुभमन गिल आणि हार्दिक पंड्या.
ग्रेड B : सूर्यकुमार यादव, ऋषभ पंत, कुलदीप यादव, अक्षर पटेल आणि यशस्वी जैस्वाल.

ग्रेड C : रिंकू सिंग, टिळक वर्मा, रुतुराज गायकवाड, शार्दुल ठाकूर, शिवम दुबे, रवी बिश्नोई, जितेश शर्मा, वॉशिंग्टन सुंदर, मुकेश कुमार, संजू सॅमसन, अर्शदीप सिंग, केएस भरत, प्रसीद कृष्णा, आवेश खान आणि रजत पाटीदार.

खेळाडूंना किती पैसे मिळतात?
ग्रेड ए प्लसमध्ये समाविष्ट असलेल्या खेळाडूंना वार्षिक ७ कोटी रुपये मिळतात. ए ग्रेडला 5 कोटी रुपये आणि बी ग्रेडला 3 कोटी रुपये मिळतात. सर्वात कमी सी श्रेणीत समाविष्ट असलेल्या खेळाडूंना प्रत्येकी १ कोटी रुपये दिले जातात.

बीसीसीआयने आपल्या निवेदनात काय म्हटले आहे?
याव्यतिरिक्त, जे खेळाडू या कालावधीत किमान तीन कसोटी किंवा आठ एकदिवसीय सामने किंवा 10 टी-20 खेळण्याच्या निकषांची पूर्तता करतात त्यांना आपोआप गुणोत्तर आधारावर ग्रेड C मध्ये समाविष्ट केले जाईल.

उदाहरणार्थ – ध्रुव जुरेल आणि सरफराज खान यांनी आतापर्यंत दोन कसोटी सामने खेळले आहेत, जर त्यांनी इंग्लंडविरुद्ध सुरू असलेल्या मालिकेतील पाचव्या कसोटीत भाग घेतला, तर त्यांना सी श्रेणीत समाविष्ट केले जाईल. बीसीसीआयने शिफारस केली आहे की सर्व खेळाडूंनी राष्ट्रीय संघाचे प्रतिनिधित्व नसताना त्या कालावधीत देशांतर्गत क्रिकेटमध्ये भाग घेण्यास प्राधान्य द्यावे. | BCCI Central Contracts

कोणाला फायदा कोणाला तोटा?
राहुल, शुभमन गिल आणि सिराज यांना ए ग्रेडमध्ये बढती देण्यात आली आहे. तर अपघातामुळे वर्षभराहून अधिक काळ न खेळलेल्या ऋषभ पंतला बी ग्रेडमध्ये स्थान मिळाले आहे.

अक्षर पटेल गेल्या मोसमात A श्रेणीत होता. यावेळी त्याला बी ग्रेडमध्ये ठेवण्यात आले. हार्दिक, अश्विन आणि सिराज यांना ए ग्रेडमध्ये कायम ठेवण्यात आले आहे. याआधीही रोहित, कोहली, बुमराह आणि जडेजा ग्रेड ए प्लसमध्ये होते.

अजिंक्य रहाणे, चेतेश्वर पुजारा, उमेश यादव, शिखर धवन, दीपक हुडा आणि युझवेंद्र चहल यांनाही या यादीत स्थान मिळवता आले नाही. कुलदीप यादवला C वरून B श्रेणीत बढती देण्यात आली आहे. यशस्वी जैस्वाल यांना प्रथमच कॉन्ट्रॅक्ट मिळाले असून तो थेट बी श्रेणीत दाखल झाला आहे. सूर्यकुमार हा बी ग्रेडमधील एकमेव खेळाडू आहे जो मागील वेळीही याच ग्रेडमध्ये होता.

सी ग्रेडमध्ये 10 नवीन खेळाडू
गेल्या वेळी 11 खेळाडूंना सी ग्रेडमध्ये स्थान मिळाले होते. यावेळी ही संख्या 15 वर नेली आहे. यात 10 खेळाडूंना प्रथमच स्थान मिळाले आहे. यामध्ये रिंकू सिंग, तिलक वर्मा, ऋतुराज गायकवाड, शिवम दुबे, रवी बिश्नोई, जितेश शर्मा, मुकेश कुमार, प्रसीध कृष्णा, आवेश खान आणि रजत पाटीदार यांचा समावेश आहे. शार्दुल ठाकूर, वॉशिंग्टन सुंदर, संजू सॅमसन, अर्शदीप सिंग आणि केएस भरत यांनी सी ग्रेडमध्ये आपली जागा वाचवण्यात यश मिळवले आहे.

BCCI Central Contracts

जालन्यातून माविआसोबत लोकसभा लढणार का ? मनोज जरांगे पाटील म्हणतात..

WhatsApp मध्ये आले नवीन फीचर ! आता ॲपवरील गोष्टी सर्च करणं होणार आणखी सोपं