![\"\"](\"https://axdxht1orlhu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/06/Batwara-1947.png\")
Batwara 1947 Film: सनी देओलच्या ‘बंटवारा १९४७’ चित्रपटाची रिलीज डेट जाहीर
Batwara 1947 Film: . आधी या चित्रपटाला 'लाहोर १९४७' म्हटले जात होते, जे आता बदलून ‘बंटवारा १९४७’ करण्यात आलं
Batwara 1947 Film: अभिनेता सनी देओलच्या आगामी चित्रपटाचे नाव बदलण्यात आले आहे. जेव्हापासून या चित्रपटाची घोषणा झाली आहे, तेव्हापासून याच्याशी संबंधित प्रत्येक अपडेटवर लक्ष ठेवले जात आहे. आधी या चित्रपटाला ‘लाहोर १९४७’ म्हटले जात होते, जे आता बदलून ‘बंटवारा १९४७’ करण्यात आले आहे. इन्स्टाग्रामवर एक मोशन पोस्टर शेअर करत याची घोषणा केली आहे.
स्वातंत्र्यदिनी रिलीज होणार चित्रपट
‘बंटवारा १९४७’ या चित्रपटाच्या रिलीज डेटचा खुलासा करण्यात आला आहे. हा चित्रपट यंदा स्वातंत्र्यदिनाच्या मुहूर्तावर रिलीज होईल. आमिर खान प्रॉडक्शन्सने सोशल मीडियावर चित्रपटाच्या रिलीज डेटची घोषणा केली आहे.
View this post on Instagram
या पोस्टसोबत कॅप्शनमध्ये लिहिले आहे की, ‘द्वेष आणि भीतीच्या वातावरणात त्यांनी धैर्याचा मार्ग निवडला. १४ ऑगस्ट २०२६ पासून चित्रपटगृहांमध्ये ‘बंटवारा’ पहा’. या चित्रपटात सनी देओलसोबत प्रिती झिंटा, शबाना आझमी, अली फझल आणि सनीचा मुलगा करण देओल मुख्य भूमिकेत दिसणार आहेत. हा चित्रपट प्रसिद्ध दिग्दर्शक राजकुमार संतोषी दिग्दर्शित करत आहेत.
दरम्यान, या चित्रपटाची कथा भारत-पाकिस्तान फाळणीवर आधारित असणार आहे. हा टीझर अत्यंत भावूक करणारा आहे. सनी देओल हातामध्ये पेटती मशाल धरलेले दिसत आहेत. प्रीती झिंटा आणि इतर कलाकारही यात आहेत. सर्वांच्याच चेहऱ्यावर एक भीती पाहायला मिळत आहे. फाळणीच्या आगीत लोकांचे आयुष्य कशा प्रकारे होरपळून निघाले होते, हे या टीझरमधून लक्षात येते. विशेष म्हणजे या चित्रपटाच्या माध्यमातून अभिनेत्री प्रिती झिंटा बऱ्याच वर्षांनंतर अभिनय क्षेत्रात पुनरागमन करत आहे.
हेही वाचा:
