बारामती : पाटणा येथील ‘सुपर ३०’चे संस्थापक आनंद कुमार यांचे मार्गदर्शन बारामतीतील विद्यार्थ्यांना मिळणार असून, दिशा अॅकॅडमीने ही संधी उपलब्ध करून दिली आहे. रविवारी (ता. २२) सकाळी नऊ वाजता बारामतीतील कविवर्य मोरोपंत नाट्यगृह येथे आनंद कुमार विद्यार्थी पालकांशी संवाद साधणार आहेत. इस्रोचे शास्त्रज्ञ डॉ. अरुणकुमार सिन्हा अध्यक्षस्थानी असतील.

या कार्यक्रमासाठी प्रवेश मोफत आहे, मात्र नावनोंदणी आवश्यक आहे. आठवी ते बारावीच्या विद्यार्थ्यांना प्रेरणा मिळावी, राष्ट्रीय ऑलिंपियाड, जेईई, नीट परिक्षांची तयारी प्रभावीपणे कशी करावी, या उद्देशाने या व्याख्यानाचे आयोजन करण्यात आले आहे. आनंद कुमार बारामतीकरांना मार्गदर्शन करणार आहेत. विद्यार्थी व पालकांनी या कार्यक्रमास आवर्जून उपस्थित राहावे, असे आवाहन दिशा अॅकॅडमीचे संस्थापक अध्यक्ष डॉ. नितीन कदम यांनी केले.

दिशा अॅकॅडमीची विश्वासार्हता प्रभावशाली ठरत आहे. नामवंतांच्या मार्गदर्शनामुळे विद्यार्थ्यांचा आत्मविश्वास वाढविण्यासाठी दिशा सातत्याने नवीन उपक्रम राबवीत आहे. गत तीन वर्षांपासून दहावीची परीक्षा देणाऱ्या विद्यार्थ्यांसाठी १०० टक्क्यांपर्यंत शिष्यवृत्तीची संधी देणारी डि-सॅट परीक्षा दिशा संपूर्ण राज्यातील विद्यार्थ्यांसाठीऑनलाइन व ऑफलाईन पद्धतीने राबवित आहे.

शंभर टक्क्यापर्यंत शिष्यवृत्ती लाभ : –

गुणवत्तापूर्ण शिक्षणामुळे शैक्षणिक क्षेत्रातीलया कार्यक्रमातून मान्यवरांचे विचार नव्या पिढीला समजतील, भविष्यातील संधीची कवाडे खुले होतील, पाल्यांच्या शैक्षणिक प्रवासासाठी निर्णय घेताना संधीची नवी क्षितिजे पालक वर्गाला खुली होतील. दिशाची D-SAT परीक्षा सुरूच राहणार असून www.dishaacademy.org या संकेतस्थळावरून माहिती घ्यावी.

– डॉ. नितीन कदम, संस्थापक, दिशा अॅकॅडमी

कार्यक्रमाची वैशिष्ट्ये : –

– परिक्षेत यशस्वी होण्याच्या टिप्स दिल्या जातील.

– विद्यार्थ्यांना थेट संवाद साधत शंकानिरसन करता येईल.

– डी सॅट परीक्षेतील निवड झालेल्या विद्यार्थ्यांचा सन्मान.

– अंतराळातील संशोधनाच्या संधी, भविष्यातील सायन्स क्षेत्रातील वाटचाल याबाबत माहिती मिळणार.