Baramati Gas Shortage – आखाती देशांतील युद्धजन्य परिस्थितीचा परिणाम आता देशांतर्गत गॅसपुरवठ्यावर दिसू लागला आहे. त्यामुळे हॉटेल, मिठाई (स्वीट होम), खाद्य व्यावसायिक अडचणीत सापडले आहेत. शहरात २५० हॉटेल व्यावसायिक, ६० मिठाई दुकानदार, यासह अन्य ४०० व्यावसायिक व्यवसायावर अवलंबून आहेत. सिलिंडरचा पुरवठा तातडीने सुरळीत करण्याची मागणी व्यापाऱ्यांनी प्रशासनाकडे केली आहे. कोट्यवधी रुपयांची उलाढाल ठप्प झाली आहे. बारामती शहरात सध्या व्यावसायिक सिलिंडर वेळेवर उपलब्ध होत नसल्याने हॉटेल व्यावसायिकांचा व्यवसाय सुरळीतपणे चालवणे कठीण झाले आहे. हॉटेल व खाद्य व्यवसायासाठी दररोज मोठ्या प्रमाणात गॅसची गरज असते. त्यामुळे व्यवसाय सुरळीत चालण्यासाठी व्यावसायिक सिलिंडर किमान एक दिवसाआड उपलब्ध करून द्यावेत, अशी मागणी व्यावसायिकांनी केली आहे. बारामती शहरातील हॉटेल व खाद्य व्यवसायासाठी दररोज मोठ्या प्रमाणात गॅसची गरज असते. व्यवसाय सुरळीत राहण्यासाठी व्यावसायिक सिलिंडर किमान एक दिवसाआड उपलब्ध करून द्यावेत, अशी मागणी व्यापाऱ्यांनी केली आहे. याबाबत उपमुख्यमंत्री सुनेत्रा पवार यांना निवेदन दिले आहे. सिलिंडरचा पुरवठा झाला नाही तर येत्या आठवड्यात अनेक हॉटेल व मिठाई व्यवसाय बंद पडण्याची शक्यता असून, बाहेरून येणाऱ्या नागरिकांची गैरसोय होऊ शकते. या व्यवसायांवर अवलंबून असलेल्या कामगारांच्या रोजगारावरही परिणाम होण्याची भीती व्यक्त केली आहे. या पार्श्वभूमीवर बारामती प्रांत कार्यालयाने तातडीने लक्ष घालून व्यावसायिक गॅस सिलिंडरचा पुरवठा सुरळीत करावा, अशी मागणी हॉटेल व्यापारी व बारामती व्यापारी महासंघाच्या वतीने शैलेश साळुंके, प्रवीण आहुजा, मुथा, जगदीश पंजाबी, सुशील सोमाणी यांनी केली आहे. इराण इस्रायल युद्ध भर उन्हात सिलिंडरसाठी प्रतीक्षा सिलिंडरच्या टंचाईची अफवा पसल्यामुळे गॅस एजन्सीबाहेर बारामती शहरात नागरिकांनी भर उन्हात रांगा लावल्या आहेत. नागरिकांना एजन्सीसमोरच सिलिंडर मिळवण्यासाठी गर्दी करावी लागत आहे. दैनंदिन कामे बाजूला ठेवून दोन दिवस रांगेत उभे राहूनही सिलिंडर मिळत नसल्याच्या तक्रारी नागरिकांकडून केल्या जात आहेत. दैनंदिन कामे बाजूला ठेवून दोन दिवस रांगेत उभे राहूनही सिलिंडर मिळत नसल्याच्या तक्रारी नागरिकांकडून होत आहेत. सलग तिसऱ्या दिवशी गॅस एजन्सीसमोर ग्राहकांची मोठी गर्दी होती. सिलिंडर रिफिल बुकिंगच्या नियमातही बदल केला असून आता २५ दिवसांनंतरच बुकिंग करता येणार आहे. यापुढे पाच दिवसानंतर सिलिंडर मिळणार आहे. एमआयडीसीला तडाखा युद्धजन्य परिस्थितीमुळे बारामती शहरात व्यावसायिक गॅस सिलिंडरची टंचाई निर्माण झाली आहे. लघुउद्योजकांपुढे संकट अमेरिका- इस्त्रालय आणि इराण यांच्यातील युद्धामुळे भारतात आयात होणाऱ्या गॅस पुरवठ्यावर विपरीत परिणाम झालेला असून सिलिंडरची टंचाई निर्माण झाली आहे. बारामती औद्योगिक क्षेत्राला देखील सिलिंडरचा तीव्र तुटवडा निर्माण झाला आहे. त्यामुळे गॅसवर अवलंबून असलेल्या लघुउद्योगांचे कामकाजही पुढील काही दिवस ठप्प पडण्याची शक्यता व्यक्त केली जात आहे. बारामतीत तुटवडा नाही बारामतीतील गॅस एजन्सी बाहेर सर्वसामान्य लोक गॅस बुकिंग साठी गर्दी करीत आहेत. या अनुषंगाने बारामतीचे तहसीलदार स्वप्नील रावडे यांनी बारामतीतील गॅस वितरकांची बैठक आयोजित केली होती. बैठकीत गॅसचा पुरवठा सुरळीत सुरू असल्याचे गॅस वितरकांकडून सांगण्यात आले आहे. गॅसचा तुटवडा नसून योग्य पद्धतीने गॅस वितरित केला जात असून साठा देखील उपलब्ध आहे. युद्धजन्य पातळीमुळे नागरिकांना गॅसचा तुटवडा आहे असा गैरसमज करून नागरिकांनी गॅस बुकिंगसाठी एकाच वेळी गर्दी केल्याने नोंदणीसाठी पोर्टलमध्ये तांत्रिक अडचणी निर्माण होत आहेत. लवकरच अडचणी सोडवण्याचा प्रयत्न शासकीय पातळीवर सुरू आहे. असे तहसीलदार स्वप्निल रावडे यांनी सांगितले. संपूर्ण औद्योगिक क्षेत्राला सिलिंडरचा मोठा फटका बसला आहे. केंद्र व राज्य सरकार यातून मार्ग काढण्यासाठी प्रयत्नशील आहे. बारामती एमआयडीसी व परिसरातील ज्या औद्योगिक कंपन्या गॅस टंचाई व युद्धाच्या संबंधित कोणत्याही कारणामुळे आडचणीत आल्या आहेत. त्यांनी (BIDA) कार्यालयाशी त्वरित संपर्क साधावा . जेणेकरून प्रशासन व वरिष्ठ पातळीवरून या समस्येवर मार्ग काढण्यासाठी प्रयत्न करता येतील. – धनंजय जामदार, अध्यक्ष बारामती इंडस्ट्रिअल डेव्हलपमेंट असोसिएशन.
