प्रभात वृत्तसेवा बारामती – राज्य उत्पादन शुल्क विभागाच्यावतीने तालुक्यात 12 ऑगस्ट पासून ते 11 सप्टेंबर या कालावधीत माळेगाव पोलीस स्टेशनच्या हद्दीमध्ये अवैधरित्या 2 हजार 295 लिटर गावठी दारूसह वाहतूक करणार्या तीन चारचाकी, दुचाकी वाहनांसह 14 लाख 91 हजार 400 रुपये इतक्या किंमतीच्या मुद्देमाल जप्त करण्यात आला आहे, या कारवाईत एकूण 10 आरोपींना अटक करून सहा गुन्ह्यांचा तपास करण्यात येत असल्याची माहिती निरीक्षक शहाजी शिंदे यांनी दिली आहे. राज्य उत्पादन शुल्क विभागास मिळालेल्या माहितीच्या आधारे पाहुणेवाडी व माळेगाव, खुर्द आणि तुकाईमळा माळेगाव खुर्द येथे एक टाटा कंपनीची चारचाकी मालवाहू गाडी व फिट कंपनीची पुण्टो वाहन हातभट्टी दारू वाहतूक व व्रिकीकरिता देत असल्याची माहिती मिळाली. ढवळेमळा, पाहुणेवाडी, तुकाईमळा माळेगाव खुर्द याठिकाणी 11 सप्टेंबर रोजी या वाहनांची तपासणी केली असता, 1 हजार 910 लिटर अवैध हातभट्टी दारुसह एकूण 9 लाख 70 हजार रुपये किंमतीची दोन वाहने आणि 9 हजार 300 रुपये किंमतीचा इतर मुद्देमाल असा मिळून एकूण 11 लाख 70 हजार 300 रुपये मुद्देमाल जप्त करण्यात आला आहे. या कारवाईत काशिनाथ सुरेश चव्हाण (रा. वरळेगाव पो. बोरामणी, ता.जि. सोलापूर) आकाश नामदेव पवार (रा. वडजी तांडा, ता. दक्षिण सोलापूर), सुग्रीव अंकुश भंडलकर, सीताराम अंकुश भंडलकर (रा. खांडज), नवनाथ सदाशिव गव्हाणे (रा. माळेगाव खुर्द), सागर अशोक गव्हाणे व दत्तात्रय विजय गिरे (रा. दानेवाडी, ता. श्रीगोंदा) असे एकूण सात आरोपींना अटक करून पुढील चौकशी करण्यात येत आहे. या कारवाईत राज्य उत्पादन शुल्क अधीक्षक अतुल कानडे यांच्या मार्गदर्शनाखाली निरीक्षक शहाजी शिंदे, दुय्यम निरीक्षक गिरीशकुमार कर्चे, सागर साबळे, मनोज होलम, जवान निखिल देवडे, सुरेश खरात, सागर दुबळे यांनी भाग घेतला. गुन्ह्यांचा पुढील तपास दुय्यम निरीक्षक गिरीशकुमार कर्चे करीत आहेत, असेही श्री. शिंदे यांनी प्रसिद्धी पत्रकान्वये देण्यात आली आहे. फोटो आहे..
