Bangladesh ‘rebellion’। बांगलादेशची शिक्षण व्यवस्था सध्या एका मोठ्या वादाच्या केंद्रस्थानी आहे. मुहम्मद युनूस प्रशासनाने राष्ट्रीय शिक्षण धोरण (एनईपी) अंतर्गत प्राथमिक शाळांमध्ये संगीत आणि नृत्य शिक्षकांची नियुक्ती करण्याचा प्रस्ताव मांडला आहे. त्याचा उद्देश मुलांना कला, संस्कृती आणि सर्जनशील शिक्षणाशी जोडणे आहे. मात्र , जमात-ए-इस्लामी, खिलाफत मजलिस आणि बांगलादेश खिलाफत चळवळ यासारख्या कट्टरपंथी गटांनी या निर्णयाविरुद्ध निदर्शने सुरू केली आहेत.

या संघटनांचे म्हणणे आहे कि, लहान वयात संगीत आणि नृत्य शिकल्याने धार्मिक शिक्षण कमकुवत होईल. यामुळे मुले नास्तिक बनू शकतात आणि पुढील पिढी इस्लामवरील विश्वास गमावू शकते. शाळांमध्ये धार्मिक आणि नैतिक शिक्षण अनिवार्य केले पाहिजे. जर हे धोरण असेच चालू राहिले तर बांगलादेशचे भविष्य धोक्यात येईल. इस्लामिक मुव्हमेंट बांगलादेशचे अमीर सय्यद रेझाउल करीम यांनी सांगितले की संगीत आणि नृत्य मुलांमध्ये भ्रष्टाचार आणि नैतिक अध:पतनाला चालना देईल.

युनूस प्रशासनावर थेट हल्ला Bangladesh ‘rebellion’।
कट्टरपंथी गटांनी युनूस प्रशासनाला इशारा दिला आहे की जर प्राथमिक शाळांमध्ये कला शिक्षकांची नियुक्ती केली तर रस्त्यावर निदर्शने होतील. धार्मिक शिक्षकांची भरती होईपर्यंत ते त्यांचे आंदोलन सुरू ठेवतील. त्यांचा असा दावा आहे की हे पाऊल इस्लाम आणि कुराणच्या तत्त्वांच्या विरोधात आहे.

शिक्षण धोरणावरील संघर्ष Bangladesh ‘rebellion’। 
हा वाद बांगलादेशातील शिक्षण आणि समाज यांच्यातील खोल संघर्ष अधोरेखित करतो. एकीकडे, सरकार मुलांना कला आणि संस्कृतीचा समावेश असलेले समग्र शिक्षण देऊ इच्छिते. दुसरीकडे, कट्टरपंथी गट याला धार्मिक मूल्यांवर हल्ला मानतात. अनेकांचा असा विश्वास आहे की हा वाद बांगलादेशच्या सांस्कृतिक आणि राजकीय दिशेवर परिणाम करू शकतो. बांगलादेशातील कट्टरपंथी गटांनी इशारा दिला आहे की जर सरकारने प्राथमिक शाळांमध्ये कला शिक्षकांची भरती केली तर रस्त्यावर निदर्शने सुरूच राहतील.