BAN vs AUS : जागतिक क्रिकेटमध्ये सर्वात मोठा उलटफेर! बांगलादेशने इतिहास रचत वर्ल्ड चॅम्पियन ऑस्ट्रेलियाला लोळवलं
BAN vs AUS : पाकिस्तान दौऱ्यात २-१ ने मालिका गमावल्यानंतर कांगारूंचा हा सलग दुसरा मालिका पराभव आहे.
BAN vs AUS Bangladesh Beats Australia ODI Series Historic Win DLS Method : आंतरराष्ट्रीय क्रिकेटच्या मैदानातून सध्याची सर्वात मोठी आणि धक्कादायक बातमी समोर येत आहे. बलाढ्य आणि विद्यमान वनडे विश्वविजेत्या ऑस्ट्रेलियाला बांगलादेश दौऱ्यावर सर्वात मोठ्या मानहानिकारक पराभवाचा सामना करावा लागला आहे. तीन सामन्यांच्या एकदिवसीय मालिकेतील दुसऱ्या सामन्यात बांगलादेशने डकवर्थ-लुईस (DLS) नियमानुसार ऑस्ट्रेलियाचा ५ गडी राखून पराभव केला. या ऐतिहासिक विजयामुळे बांगलादेशने क्रिकेटच्या इतिहासात पहिल्यांदाच ऑस्ट्रेलियाविरुद्ध वनडे मालिका जिंकण्याचा पराक्रम केला आहे.
तौहीद अन् शांतोचा मैदानावर जलवा!
ढाका येथील शेर-ए-बांग्ला नॅशनल स्टेडियमवर खेळल्या गेलेल्या या सामन्यात पावसाच्या व्यत्ययामुळे बांगलादेशला ४१ षटकांत १९२ धावांचे सुधारित लक्ष्य मिळाले होते. धावांचा पाठलाग करताना बांगलादेशची सुरुवात खराब झाली. सलामीवीर तंजीद हसन शून्य धावांवर बाद झाला. मात्र, त्यानंतर सौम्य सरकार (४२) आणि नजमुल हुसैन शांतो (४१) यांनी ८६ धावांची भागीदारी करत डाव सावरला.
𝐀 𝐡𝐢𝐬𝐭𝐨𝐫𝐢𝐜 𝐦𝐢𝐥𝐞𝐬𝐭𝐨𝐧𝐞 𝐟𝐨𝐫 𝐁𝐚𝐧𝐠𝐥𝐚𝐝𝐞𝐬𝐡! 🇧🇩
Bangladesh secured a landmark ODI series victory over Australia with a composed chase in a rain-affected second ODI in Dhaka, taking an unassailable 2⃣-0⃣ lead in the three-match series.
📸: AFP
Read more… pic.twitter.com/bj7lk88K4l— Sportstar (@sportstarweb) June 11, 2026
एकवेळ १२२ धावांवर ४ विकेट्स गमावून बांगलादेशचा संघ अडचणीत सापडला होता. पण तिथून तौहीद ह्रदोयने नाबाद ४० धावांची संयमी खेळी केली, तर त्याला कर्णधार मेहदी हसन मिराजने (२२ चेंडूंत २२ धावा) उत्तम साथ देत बांगलादेशला ऐतिहासिक विजय मिळवून दिला.
आता ऑस्ट्रेलियाला ‘क्लीन स्वीप’ची भीती!
AUS since 2023 ODI World Cup:
✅ 3 – 0 vs West Indies (H)
✅ 3 – 2 vs England (A)
❌ 1 – 2 vs Pakistan (H)
❌ 0 – 2 vs Sri Lanka (A)
❌ Lost in CT Semis (A)
❌ 1 – 2 vs South Africa (H)
✅ 2 – 1 vs India (H)
❌ 1 – 2 vs Pakistan (A)
❌ 2 – 0* vs Bangladesh (A)📷 BCB |… pic.twitter.com/VDm4NuSiuA
— CricketGully (@thecricketgully) June 11, 2026
क्रिकेट इतिहासात या मालिकेपूर्वी बांगलादेश आणि ऑस्ट्रेलिया यांच्यात एकूण ४ वनडे मालिका खेळल्या गेल्या होत्या, ज्या सर्वच्या सर्व ऑस्ट्रेलियाने जिंकल्या होत्या. बांगलादेशला आजवर एकही सामना जिंकता आला नव्हता. परंतु, यंदा बांगलादेशने हा कलंक पुसून काढला आहे.
मालिकेतील शेवटचा सामना १४ जून रोजी होणार असून, बांगलादेशकडे आता ऑस्ट्रेलियाला ‘क्लीन स्वीप’ (३-०) करण्याची सुवर्णसंधी आहे. जर बांगलादेशने असे केले, तर जागतिक क्रिकेटमध्ये ऑस्ट्रेलियाला व्हाईटवॉश देणारा तो केवळ चौथा संघ ठरेल. ऑस्ट्रेलियन संघ त्यांच्या प्रमुख खेळाडूंच्या अनुपस्थितीत खेळत असला, तरी अनुभवी खेळाडू असतानाही मिळालेला हा पराभव त्यांच्यासाठी मोठा धक्का आहे.
