Bollywood : 47 चित्रपटांची लॉटरी लागली, 5 हजार प्रेमपत्र; आशिकी फेम अभिनेत्याने उघड केली न ऐकलेली कहाणी
Bollywood : या अभिनेत्याचे नाव आहे राहुल रॅाय. ज्याने आशिकी या ब्लॅाकबस्टर चित्रपटात काम केलं आहे.
Bollywood : 90 च्या दशकातील स्टार्सविषयी चाहत्यांमध्ये एक वेगळीच क्रेझ आहे, मग तो गोविंदा असो वा शाहरुख खान. या स्टार्सनी प्रत्येकाच्या मनात स्वतः एक खास स्थान निर्माण केलं आहे. मात्र, या सगळ्यांची चलती असताना याच दशकात असा एक हिरो आला ज्याने सर्वांनाच आव्हान दिलं. त्या एका चित्रपटानंतर अभिनेत्याची इतकी क्रेझ वाढली होती की त्याला भेटण्यासाठी मुलींची रिघ लागायची. या अभिनेत्याचे नाव आहे राहुल रॅाय. ज्याने आशिकी या ब्लॅाकबस्टर चित्रपटात काम केलं आहे.
एका दिवसात अभिनेत्याने एक नव्हे दोन नव्हे तर तब्बल 47 चित्रपट साइन करून प्रस्थापित कलाकारांना मोठा धक्का दिला होता. गेल्याच आठवड्यात कलर्स वाहिनीवर ‘लाफ्टर शेफ्स 3’ या कॉमेडी शोमध्ये आपला वाढदिवस साजरा करणाऱ्या राहुल रॉय यांनी आपल्या पहिल्या चित्रपटाच्या यशाचे अनेक किस्से शिअर केले. (Bollywood )
या मुलाखतीदरम्यान, करण कुंद्राने त्यांना विचारले, “आम्ही ऐकले आहे की जेव्हा ‘आशिकी’ हिट झाला, तेव्हा तुम्ही एका दिवसात अंदाजे 150 चित्रपट साइन केले होते. “राहुल यांनी हा आकडा चुकीचा असल्याचे सांगत करणला दुरुस्त करत सांगितले की, त्यांनी एकाच दिवसात 47 चित्रपट साइन केले होते, जो विक्रम आजही कोणत्याच अभिनेत्याने मोडलेला नाही. ( Bollywood )
‘आशिकी’ने दिली ओळख (Bollywood)
1990 साली ‘आशिकी’ या चित्रपटातून अभिनेते राहुल रॅाय यांनी बॉलिवूडमध्ये दमदार पदार्पण केलं. त्यावेळी शाहरुख खान आणि सलमान खान यांच्यापेक्षाही जास्त ते लोकप्रिय होते. अभिनेत्याने ‘लाफ्टर शेफ्स’ या प्लॅटफॉर्मवर हेदेखील उघड केले की, जेव्हा त्यांचा महेश भट्ट दिग्दर्शित ‘आशिकी’ हा चित्रपट प्रदर्शित झाला, तेव्हा त्यांना एकाच दिवसात 5 हजाराहून अधिक पत्रे मिळाली, ज्यामुळे सर्वांनाच धक्का बसला होता. हा चित्रपट त्यांच्या करिअरला कलाटणी देणारा ठरला. त्यानंतरही त्यांनी अनेक चित्रपटांमधून काम केलं.
इतर चित्रपटांनी मात्र… (Bollywood)
आशिकीनंतर राहुल रॉय यांनी प्यार का साया, गजब तमाशा, सपने साजन के, जुनून, दिलवाले कभी ना हरे, पहला नशा, गुमराह यांसारख्या अनेक चित्रपटांमध्ये काम केले, पण पहिल्या चित्रपटाला जे यश आणि प्रेम मिळाले, ते प्रेम त्यांच्या इतर कोणत्याही चित्रपटाला मिळालेले नाही. हे कडू सत्य आहे.
