Ayatollah Ali Khamenei। इराणने पुन्हा एकदा अमेरिकेला त्यांच्या अणुकार्यक्रमावरून इशारा दिला आहे. कोणत्याही दबावापुढे इराण शरण जाणार नाही असे स्पष्ट केले आहे. इराणचे सर्वोच्च नेते अयातुल्ला अली खामेनी यांनी,”अमेरिकेसोबतची सध्याची परिस्थिती अद्यापही सुटलेली नाही. अणुकार्यक्रमावरून पाश्चात्य शक्तींशी सुरू असलेल्या संघर्षादरम्यान तेहरान कधीही वॉशिंग्टनच्या दबावापुढे झुकणार नाही. ” असे स्पष्टपणे सांगितले आहे. इराणच्या सरकारी माध्यमांनी याविषयी माहिती दिली आहे. जून २०२५ मध्ये १२ दिवसांच्या युद्धादरम्यान अमेरिका आणि इस्रायलने इराणच्या अणुस्थळांवर बॉम्बहल्ला केला होता, त्यानंतर इस्लामिक रिपब्लिकने अमेरिकेसोबतच्या अणुचर्चा स्थगित केल्या होत्या. युरोपीय देशांबद्दल खमेनी काय म्हणाले? Ayatollah Ali Khamenei। तेहरानच्या अणुसंवर्धन कार्याला आळा घालण्यासाठी इराण आणि युरोपीय देशांनी शुक्रवारी पूर्ण चर्चा पुन्हा सुरू करण्यास सहमती दर्शविल्यानंतर अयातुल्ला अली खामेनी यांचे हे वक्तव्य आले. खमेनी म्हणाले की, “त्यांना इराण अमेरिकेचे आज्ञाधारक राहावे असे वाटते. अशा खोट्या अपेक्षा बाळगणाऱ्यांविरुद्ध इराणी राष्ट्र आपल्या सर्व शक्तीनिशी उभे राहील.” फ्रान्स, ब्रिटन आणि जर्मनीने धमकी दिली Ayatollah Ali Khamenei। इराणच्या सर्वोच्च नेत्याने,” जे लोक आम्हाला अमेरिकेविरुद्ध घोषणा देऊ नका आणि अमेरिकेशी थेट चर्चा करू नका असे सांगतात, ते फक्त ढोंग करतात, कारण हा मुद्दा अद्याप सुटलेला नाही. ” असे म्हटले आहे. त्यासोबतच युरोपियन देश फ्रान्स, ब्रिटन आणि जर्मनी यांनी म्हटले आहे की जर तेहरान पुन्हा वाटाघाटीच्या टेबलावर आला नाही, तर ते स्नॅपबॅक व्यवस्थेअंतर्गत इराणवर संयुक्त राष्ट्रांचे निर्बंध पुन्हा लादू शकतात. अमेरिकेसह युरोपियन देशांचे म्हणणे आहे की इराण अण्वस्त्रे विकसित करण्याच्या दिशेने काम करत आहे, तर तेहरानचे म्हणणे आहे की ते फक्त अणुऊर्जा विकसित करण्यात गुंतलेले आहेत.
