Asur 3 : ओटीटीवरील ‘असुर’ या क्राइम थ्रिलर आणि सस्पेनसने भरलेल्या मालिकेला मोठा प्रतिसाद मिळाला. या मालिकेच्या दुसऱ्या सीझननंतर तिसरा सीजन लवकरच येत असून, त्याबाबत एक मोठी अपडेट समोर आली आहे. अरशद वारसी आणि बरुण सोबती यांच्या या मालिकेत एका प्रसिद्ध अभिनेत्रीची एन्ट्री झाली आहे.

मिळालेल्या माहितीनुसार, ‘गर्ल्स हॉस्टल’,’कोटा फैक्ट्री’ आणि ‘हॉस्टल डेज’ यांसारख्या प्रोजेक्ट्समध्ये झळकणारी अभिनेत्री अहसास चन्ना या सीरिजमध्ये मुख्य भूमिकेत दिसणार आहे. परंतु याबाबत अद्याप कोणतीही अधिकृत घोषणा करण्यात आलेली नाही.

मिडिया रिपोर्टनुसार, अहसासने ‘असुर ३’च्या तिसऱ्या सीझनच्या चित्रीकरणाला सुरुवात केली आहे. या वर्षी डिसेंबरपर्यंत चित्रीकरण पूर्ण होण्याची शक्यता आहे. दरम्यान, येत्या २०२७ पर्यंत ही सीरिज प्रदर्शित करण्याचा निर्मात्यांचा विचार आहे.

दरम्यान, अहसास चन्नाने या लोकप्रिय सीरिजचा भाग झाल्याबद्दल आपल्या भावना व्यक्त केल्या आहेत. अभिनेत्री म्हणाली, “मी या सीरिजची खूप मोठी चाहती आहे. अर्शद वारसी सर, बरुण सोबती आणि रिद्धी डोगरा यांसारख्या अप्रतिम कलाकारांसोबत काम करण्याची संधी मिळणे हे एक स्वप्न आहे.”

‘असुर’च्या पहिल्या दोन सीझनचं दिग्दर्शन ओनी सेन यांनी केलं होतं. तर आता तिसऱ्या सीझनच्या दिग्दर्शनाची धुरा गौरव शुक्ला सांभाळणार आहेत. त्यांनी सीरिजचं लेखन आणि क्रिएटर म्हणून काम पाहिलं आहे. यात अहसास चन्ना आता अरशद वारसी, बरुण सोबती, रिद्धी डोगरा, अनुप्रिया गोयनका, विशेष बंसल आणि श्वेता बसू प्रसाद यांसारख्या शानदार कलाकारांच्या टीमचा भाग बनणार आहे.

हेही वाचा: 

Nana Patole: “शेतकऱ्यांच्या कर्जमाफीची जाहिरात करता, मग उद्योगपतींचं कर्जमाफ…”; नाना पटोलेंचा राज्य सरकारला सवाल