Asim Munir Pakistan। गेल्या काही दिवसांपासून पाकिस्तानमध्ये सत्तापालटाच्या अफवा पसरत आहेत आणि आता त्यांना वेग आला आहे. सत्ता मिळाल्यानंतर फील्ड मार्शल असीम मुनीर हे अध्यक्ष आसिफ अली झरदारी यांच्या खुर्चीवर लक्ष ठेवून आहेत असा दावा केला जात आहे. मात्र, आता सरकारने या प्रकरणावर एक निवेदन जारी केले आहे. पाकिस्तानचे गृहमंत्री मोहसिन नक्वी यांनी सर्व बातम्यांचे खंडन केले आहे आणि त्यांना अफवा म्हटले आहे.

विरोधकांवर निशाणा  Asim Munir Pakistan। 

“पाकिस्तानचे लष्करप्रमुख फील्ड मार्शल असीम मुनीर प्रत्यक्षात झरदारी यांना पदावरून काढून टाकू इच्छितात आणि स्वतः राष्ट्रपती बनू इच्छितात” अशा चर्चा सध्या सोशल मीडियावर मोठ्या प्रमाणात सुरु होत्या. या चर्चांच्या दरम्यान, गृहमंत्री नक्वी यांनी एक निवेदन जारी करून याला एक दुर्भावनापूर्ण मोहीम म्हटले आहे. तसेच  “राष्ट्रपती आसिफ अली झरदारी, पंतप्रधान शाहबाज शरीफ आणि लष्करप्रमुखांना लक्ष्य करण्यासाठी अशी मोहीम कोण चालवत आहे याची आम्हाला पूर्ण जाणीव आहे.” असे म्हणत विरोधकांवर निशाणा साधला.

शत्रूच्या सहकार्याने अशा मोहिमा सुरु Asim Munir Pakistan। 

पुढे ते म्हणाले की,”मी आधीच सांगितले आहे की राष्ट्रपती झरदारी यांच्या राजीनाम्यावर कोणतीही चर्चा झालेली नाही आणि अशी कोणतीही शक्यता नाही. राष्ट्रपती झरदारी यांचे सैन्याशी चांगले आणि आदरयुक्त संबंध आहेत.” असेही त्यांनी यावेळी सांगितले. तसेच  “मला माहिती आहे की या खोट्या बातम्या कोण पसरवत आहे आणि का पसरवत आहे आणि याचा कोणाला फायदा होईल.”
त्यासोबतच त्यांनी पुढे म्हटले,”आसिफ मुनीर यांचे लक्ष पाकिस्तानला मजबूत करणे आणि स्थिरता आणण्यावर आहे. जे लोक अशा बनावट कथा तयार करत आहेत ते शत्रूच्या सहकार्याने अशा मोहिमा चालवू शकतात. परंतु पाकिस्तानला आणखी मजबूत करण्यासाठी आम्ही जे काही करू शकतो ते करू”

दरम्यान , २०२२ मध्ये आसिफ मुनीर यांना तीन वर्षांसाठी लष्करप्रमुख बनवण्यात आले होते. त्यांचा कार्यकाळ गेल्या वर्षी पाच वर्षांपर्यंत वाढवण्यात आला. त्याच वेळी, झरदारी गेल्या वर्षी पाच वर्षांसाठी राष्ट्रपती म्हणून निवडून आले. झरदारी आणि त्यांचा मुलगा बिलावल भुट्टो झरदारी यांचे पाकिस्तान सरकारशी चांगले संबंध आहेत. भारत आणि पाकिस्तानमधील अलिकडच्या युद्धानंतर, बिलावल पाकिस्तानी शिष्टमंडळाचा भाग होता, जो जगभरात पाकिस्तानची बाजू मांडण्यासाठी पाठवण्यात आला होता.