Asian Shotgun Championships 2024 : अनंतजितसिंग नारुका आणि रायझा धिल्लन (Raiza Dhillon and Anantjeet Singh) यांनी शनिवारी कुवेत शहरात आशियाई शॉटगन चॅम्पियनशिप 2024 मध्ये अनुक्रमे पुरुष आणि महिलांच्या स्कीट स्पर्धेत रौप्य पदकांसह भारतासाठी पॅरिस 2024 ऑलिम्पिक कोटा मिळवला.

कुवेतमधील नेमबाजी स्पर्घेत, वैयक्तिक ऑलिम्पिक नेमबाजी स्पर्धांमध्ये (प्रति देश जास्तीत जास्त एक) अव्वल दोन पात्र नेमबाजांना त्यांच्या संबंधित राष्ट्रीय संघांसाठी पॅरिस 2024 कोटा मिळाला. या दोन कोट्यांसह, आगामी ऑलिम्पिकसाठी भारताच्या नेमबाजी कोट्याची संख्या आता 19 झाली आहे, टोकियो 2020 गेम्समधील 15 कोट्याच्या मागील विक्रमापेक्षा चार अधिक. पॅरिस ऑलिम्पिकसाठी पुरुष आणि महिलांच्या स्कीट स्पर्धेत हा भारताचा पहिला कोटा होता.

पीपल्स रिपब्लिक ऑफ चायना च्या जिनमेई गाओने महिलांच्या स्कीट फायनलमध्ये रायझा धिल्लनच्या 52/60 चा स्कोअरपेक्षा चांगली कामगिरी करताना 56/60 गुण मिळवून सुवर्णपदक जिंकले. भारताच्या माहेश्वरी चौहानने 43/50 गुणांसह कांस्यपदक जिंकले, तर सहा महिलांच्या अंतिम फेरीतील तिसरी भारतीय नेमबाज गणेमत सेखोन 30/40 गुणांसह चौथ्या स्थानावर राहिली.

Asian Marathon Championships 2024 : भारताच्या ‘मान सिंग’चे सर्वोत्तम कामगिरीसह सुवर्णयश…

पुरुषांच्या स्कीट फायनलमध्ये आशियाई क्रीडा स्पर्धेतील रौप्यपदक विजेता अनंतजितसिंग नारुका याने 56/60 गुणांसह रौप्यपदक जिंकले. चायनीज तैपेईच्या ली मेंग युआनने 57/60 गुणांसह सुवर्णपदक जिंकले तर कुवेतच्या मोहम्मद अल्दायहानीने 47/50 गुणांसह कांस्यपदक जिंकले.