Asian Games 2026 Wushu Selection Row Divyanshi Choudhary Threatens Suicide Video : जपानमधील ऐची-नागोया येथे १९ सप्टेंबरपासून सुरू होणाऱ्या आशियाई क्रीडा स्पर्धा २०२६ (Asian Games 2026) पूर्वी भारतीय क्रीडाविश्वात एका धक्कादायक वादाने खळबळ उडवून दिली आहे. महिलांच्या ६० किलो वजनी गटात अधिकृत निवडीनंतर अचानक संघातून डच्चू दिल्याने १८ वर्षीय राष्ट्रीय वुशू खेळाडू दिव्यांशी चौधरी हिने आत्महत्येचा इशारा दिला आहे. पटियाला येथील ‘एनआयएस’च्या (NIS Patiala) छतावरून तिने एक ९ मिनिटांचा हृदयद्रावक व्हिडिओ जारी करत आपल्यावर झालेल्या अन्यायाची कैफियत मांडली असून, या घटनेने संपूर्ण क्रीडा वर्तुळ सुन्न झाले आहे.

ट्रायल्स जिंकूनही ऐनवेळी पत्ता कट; छतावरून व्हिडिओ करत मांडली व्यथा –  (Divyanshi Choudhary Video )

राजस्थानच्या कोटा येथील महाबली स्पोर्ट्स अकादमीत सराव करणाऱ्या दिव्यांशीने निवड चाचणीच्या उपांत्य फेरीत भारताची स्टार खेळाडू रोशिबिना देवी नाओरेम हिचा पराभव केला होता. नियमानुसार दिव्यांशीची निवड आशियाई स्पर्धेसाठी निश्चित झाली होती आणि ती जपानला रवाना होण्याची तयारी करत होती. मात्र, शुक्रवारी ११ सप्टेंबर रोजी तिला अचानक संघातून वगळण्यात आल्याचे सांगण्यात आले आणि तिच्या जागी पराभूत रोशिबिना देवीला थेट तिकीट देण्यात आले. या अन्यायाने खचलेल्या दिव्यांशीने एनआयएसच्या छतावर बॅग ठेवून आई-वडिलांची माफी मागत जीवन संपवण्याची भाषा केली.

मानसिक छळ आणि वशिल्याचा आरोप; ‘सचिन तेंडुलकरचीही वेळ संपली होती…’  (Divyanshi Choudhary Video)

भारतीय खिलाड़ी दिव्यांशी चौधरी ने आत्महत्या करने की बात कही है।

वुशु खिलाड़ी दिव्यांशी चौधरी का नाम जापान एशियन गेम्स 2026 से आखिरी वक्त में काट दिया गया। जून में टीम में जगह और जर्सी मिलने के बाद 11 सितंबर के अपडेट में जगह नाओरेम रोशिबीना देवी को दे दी गई। टीम से गलत तरीके से… pic.twitter.com/kXXGhv3qzH

— Madan Mohan Soni (@madanmohansoni) September 11, 2026

आपल्या व्हिडिओमध्ये अश्रू ढाळत दिव्यांशीने रोशिबिनावर राजकीय वजन आणि मंत्रालयातील प्रभावाचा गैरवापर केल्याचा थेट आरोप केला. “जून-जुलैपासून माझा मानसिक छळ सुरू आहे. सचिन तेंडुलकरचीही एक वेळ आली होती आणि नवीन खेळाडू आले; मग मी रोशिबिनाला हरवल्यानंतर खेळण्याचा माझा हक्क का हिरावला जात आहे?”, असा संतप्त सवाल तिने उपस्थित केला. तसेच रोशिबिनाने सरावादरम्यान तिला जाणूनबुजून इजा पोहोचवण्याचा प्रयत्न केल्याचा आणि डॉक्टरांचे गोपनीय अहवाल परस्पर मिळवल्याचा गंभीर आरोपही तिने केला.

हेही वाचा – IND vs AFG : जिओहॉटस्टार किंवा सोनीवर नाही, ‘या’ ओटीटी प्लॅटफॉर्मवर होणार IND vs AFG टी-२० मालिकेचे थेट प्रक्षेपण

वुशू असोसिएशनचा खुलासा; ‘साई’ने दुखापतीमुळे वगळल्याचा दावा!

दरम्यान, या तीव्र वादानंतर भारतीय वुशू असोसिएशनने स्पष्टीकरण दिले आहे. असोसिएशनच्या अध्यक्षांनुसार, दिव्यांशीचे नाव संघटनेने नव्हे, तर ‘स्पोर्ट्स अथॉरिटी ऑफ इंडिया’ने (SAI) वगळले आहे. दिव्यांशीच्या गुडघ्याला दुखापत झाली होती आणि तिने ती लपवून ठेवली होती; तसेच ती नियमित सरावही करत नव्हती. वैद्यकीय तपासणीत दुखापतीची खात्री झाल्यानंतर हा निर्णय घेण्यात आला. अंतिम फेरीत पराभूत झालेली खेळाडूही जायबंदी असल्याने नियमानुसार रोशिबिनाला संधी देण्यात आल्याचा दावा प्रशासनाकडून करण्यात आला आहे.