Asian Games 2026 Shooting Neeru Dhanda Wins Historic Gold Medal In Womens Trap : आशियाई क्रीडा स्पर्धा २०२६ (Asian Games 2026) मध्ये भारताची २६ वर्षीय नेमबाज नीरू ढांडाने (Neeru Dhanda) महिलांच्या ट्रॅप शूटिंग प्रकारात (Women’s Trap Shooting) ऐतिहासिक सुवर्णपदक (Gold Medal) जिंकून नवा इतिहास रचला आहे. या स्पर्धेत भारताला वैयक्तिक सुवर्णपदक मिळवून देणारी ती पहिलीच महिला नेमबाज ठरली आहे. विशेष म्हणजे, हरियाणातील जींद जिल्ह्यातील संगतपुरा गावात तिची आई सुदेश देवी दारिद्र्यरेषेखालील (BPL) रेशन आणण्यासाठी रांगेत उभी असतानाच, लेकीने जपानमध्ये तिरंगा फडकवल्याची आनंदवार्ता त्यांना मिळाली.

३० पैकी २८ अचूक नेम; नवा आशियाई विक्रम प्रस्थापित!

अंतिम फेरीत नीरूने अचाट एकाग्रतेचे प्रदर्शन करत ३० पैकी तब्बल २८ अचूक लक्ष्यभेद साधले. यासह तिने आशियाई क्रीडा स्पर्धेत नवा विक्रम नोंदवला. चीनची दिग्गज नेमबाज सन युनॉन्ग २६ गुणांसह दुसऱ्या स्थानावर राहिली आणि तिला रौप्यपदकावर समाधान मानावे लागले. नीरूच्या कुटुंबाने अनेक वर्षे सोसलेल्या आर्थिक आणि सामाजिक संघर्षाचे चीज या सुवर्णपदकाने केले आहे.

कबड्डीच्या मैदानातून नेमबाजीत पदार्पण; भावाकडून घेतली प्रेरणा!

Jind, Haryana: Family members of Neeru Dhanda celebrated her gold medal victory in the women’s trap shooting event at the 2026 Asian Games by distributing sweets. pic.twitter.com/WAY4v18oxa

— IANS (@ians_india) September 29, 2026

नीरू सुरुवातीला शाळा व राज्य पातळीवर कबड्डी खेळत होती. २०१८ च्या जकार्ता आशियाडमध्ये तिचा चुलत भाऊ लक्ष्य श्योराणने रौप्यपदक जिंकल्यानंतर तिने नेमबाजीकडे वळण्याचा निर्णय घेतला. कुटुंबाकडे केवळ दोन एकर जमीन आणि काही जनावरे होती; महागडी बंदूक किंवा प्रशिक्षणाचा खर्च परवडणारा नव्हता. तरीही तिच्या निर्धारापुढे गरिबीला झुकावे लागले.

तलावाकाठी पत्र्याच्या डब्यांवर घेतला पहिला वेध!

India wins 5th gold at 2026 Asian Games

Subedar Neeru Dhanda wins India’s fifth gold medal at the 2026 Asian Games. The proud moment was followed by the national anthem ceremony as the Tricolour was raised high in honour of India’s victory. 🇮🇳🥇 pic.twitter.com/Dx9tUJC2xY

— Atulkrishan (@iAtulKrishan1) September 29, 2026

सुरुवातीला नीरूचे काका सोमवीर श्योराण यांनी तिला एका तलावाकाठी नेऊन पत्र्याच्या छोट्या तुकड्यावर निशाणा साधण्यास सांगितले. नीरूने तो पहिलाच नेम अचूक साधला आणि काकांनी तिला लक्ष्यच्या बंदुकीवर सराव सुरू करून दिला. त्यानंतर तिने मध्य प्रदेश राज्य शूटिंग अकादमी (भोपाळ) गाठून शास्त्रोक्त प्रशिक्षण घेतले.

हेही वाचा – India Beat Pakistan : अखेरच्या मिनिटात रंगला थरार! भारताने पाकिस्तानला ४-३ ने लोळवून गाठली फायनल; २८ वर्षांनंतर पहिल्यांदाच घडलं असं

लष्करात नायब सुभेदार; २०२५ मध्येही जिंकले होते सुवर्ण!

🎯 ONE RANGE. TWO STORIES. ONE GOLDEN FINISH. 🇮🇳🥇

Kynan Chenai and Neeru Dhanda have delivered another shooting gold for India at Aichi-Nagoya 2026.

They were only 4th after qualification.

But the medal round changed everything.

For Kynan, this was a comeback. After missing… pic.twitter.com/Zz1Y9PN4Tq

— Anil Bansal (@dilseanilbansal) September 30, 2026

आज नीरू भारतीय लष्कराच्या कोअर ऑफ मिलिटरी पोलीसमध्ये नायब सुभेदार पदावर देशसेवा करत आहे. महू येथील आर्मी मार्क्समनशिप युनिटमध्ये ती सराव करते. तिची केंद्रीय क्रीडा मंत्रालयाच्या ‘टॉप्स’ (TOPS) योजनेत निवड झाली असून, तिने २०२५ च्या आशियाई नेमबाजी अजिंक्यपद स्पर्धेतही सुवर्णपदक जिंकले होते.