Asian Games 2026 Mens Hockey Final India Beat Malaysia 5-1 Historic Gold LA 2028 : जपानमध्ये सुरू असलेल्या आशियाई क्रीडा स्पर्धा २०२६ (Asian Games 2026) च्या पुरुष हॉकी स्पर्धेत भारतीय संघाने सुवर्ण इतिहास रचला आहे. अंतिम फेरीत भारताने मलेशियाचा ५-१ असा एकतर्फी धुव्वा उडवत दिमाखात सुवर्णपदक (Gold Medal) पटकावले. संपूर्ण स्पर्धेत अपराजित राहणाऱ्या भारताने आशियाडच्या इतिहासात पहिल्यांदाच आपले सुवर्णपदक कायम राखण्याची (डिफेंड करण्याची) ऐतिहासिक कामगिरी केली. या सुवर्ण विजयामुळे सलग दोन आशियाई क्रीडा स्पर्धांत सुवर्णपदक जिंकणारा हरमनप्रीत सिंग (Harmanpreet Singh) हा पहिलाच भारतीय कर्णधार ठरला असून भारताने थेट २०२८ लॉस एंजेलिस ऑलिम्पिकसाठीही पात्रता मिळवली आहे.

पहिल्या हाफमध्ये अटीतटीचा थरार; जुगराजच्या गोलने मिळवून दिली आघाडी!

सामन्याच्या ११ व्या मिनिटाला मिळालेल्या पेनल्टी कॉर्नरवर कर्णधार हरमनप्रीतने अप्रतिम ड्रॅग-फ्लिकद्वारे गोल करत भारताचे खाते उघडले. तीनच मिनिटांत मलेशियाच्या शेलो सिल्व्हेरियसने मैदानी गोल करून सामना १-१ असा बरोबरीत आणला. दुसऱ्या क्वार्टरमध्ये २३ व्या मिनिटाला मिळालेल्या पेनल्टी कॉर्नरवर भारताचा बचावपटू जुगराज सिंगने कोणतीही चूक न करता चेंडू थेट गोलपोस्टमध्ये धाडला आणि हाफ टाईमपर्यंत भारताला २-१ अशी भक्कम आघाडी मिळवून दिली.

हार्दिक अन् शिलानंदची कमाल! दुसऱ्या हाफमध्ये मलेशियाची बचावफळी उद्ध्वस्त

A HISTORIC HOCKEY DOUBLE GOLD! 🇮🇳🥇🥇🏑

Absolute dominance! Heartiest congratulations to the Indian Men’s Hockey Team on defending their title in spectacular fashion by defeating Malaysia 5-1 to clinch GOLD at #AsianGames2026.#Cheer4Bharat pic.twitter.com/J4apmj0Rg1

— Dr Mansukh Mandaviya (@mansukhmandviya) October 3, 2026

दुसऱ्या हाफमध्ये भारतीय आक्रमक फळीने मलेशियाच्या गोलपोस्टवर तुफानी हल्ले चढवले. तिसऱ्या क्वार्टरच्या सुरुवातीला मिळालेल्या पेनल्टी स्ट्रोकवर उपकर्णधार हार्दिक सिंगने गोलकीपरला चकवत भारताची आघाडी ३-१ केली. ५४ व्या मिनिटाला अभिषेकने बेसलाईनवरून उत्कृष्ट चाल रचत शिलानंद लाकडाला सुंदर पास दिला, ज्याचे गोलमध्ये रूपांतर करत भारताने ४-१ अशी विजयी आघाडी घेतली.

हेही वाचा – Aman Sehrawat Gold : ११ व्या वर्षी आई-वडिलांचे छत्र हरपले, आता नागोयात फडकवला तिरंगा! वर्ल्ड चॅम्पियनला लोळवून अमनने जिंकले सुवर्ण

हरमनप्रीतचा रॉकेट ड्रॅग-फ्लिक; ५-१ च्या महाविजयावर शिक्कामोर्तब!

𝗧𝗛𝗘 𝗜𝗡𝗗𝗜𝗔𝗡 𝗠𝗘𝗡’𝗦 𝗛𝗢𝗖𝗞𝗘𝗬 𝗧𝗘𝗔𝗠 𝗜𝗦 𝗔𝗦𝗜𝗔𝗡 𝗚𝗔𝗠𝗘𝗦 𝗖𝗛𝗔𝗠𝗣𝗜𝗢𝗡 𝗢𝗡𝗖𝗘 𝗔𝗚𝗔𝗜𝗡! 🇮🇳🥇

India defeat Malaysia 5-1 in the Asian Games 2026 final to successfully defend their crown and create history by winning consecutive Asian Games gold medals… pic.twitter.com/ZaBzKMGyJw

— Hockey India (@TheHockeyIndia) October 3, 2026

सामन्याच्या ५७ व्या मिनिटाला भारताला पुन्हा एकदा पेनल्टी कॉर्नर मिळाला. हरमनप्रीतने घेतलेल्या रॉकेट ड्रॅग-फ्लिकवर चेंडू थेट मलेशियाच्या गोलपोस्टच्या टॉप कॉर्नरला भेदून गेला. यासह भारताने ५-१ असा एकतर्फी विजय मिळवून नागोयात पुन्हा एकदा तिरंगा डौलाने फडकवला.