Asian Games 2026 Cricket Final India Beat Pakistan Win Gold Hasan Nawaz 96 Runs : जपानमधील आशियाई क्रीडा २०२६ (Asian Games 2026) स्पर्धेत भारतीय पुरुष क्रिकेट संघाने फायनल सामन्यात पारंपरिक प्रतिस्पर्धी पाकिस्तानचा १९ धावांनी पराभव केला. या विजयासर भारताने सलग दुसऱ्यांदा ऐतिहासिक सुवर्णपदकावर (Gold Medal) आपले नाव कोरले आहे. भारताने विजयासाठी ठेवलेल्या २१२ धावांच्या विशाल आव्हानाचा पाठलाग करताना पाकिस्तानकडून एकट्या हसन नवाझने ५१ चेंडूंत ९६ धावांची वादळी खेळी करत भारतीय चाहत्यांच्या काळजाचा ठोका चुकवला होता. मात्र, मोक्याच्या क्षणी त्याचे शतक हुकले आणि पाकिस्तानला पुन्हा एकदा भारताविरुद्ध पराभवाचा सामना करावा लागला.

शेवटच्या चेंडूचा थरार; शिवम दुबेचा चेंडू अन् संजू सॅमसनचा अफलातून झेल!

२१२ धावांचा पाठलाग करताना पाकिस्तानची अवस्था अवघ्या ३९ धावांत ३ बाद अशी बिकट झाली होती. मात्र, हसन नवाझने एकाकी झुंज देत सामना शेवटच्या षटकापर्यंत खेचला. सामन्याच्या आणि डावाच्या अखेरच्या चेंडूवर नवाझला शतकासाठी अवघ्या ४ धावांची गरज होती. शिवम दुबेच्या चेंडूवर मोठा फटका मारण्याच्या नादात चेंडूने त्याच्या बॅटची कड घेऊन हवेत उडाला आणि यष्टिरक्षक संजू सॅमसनने झेल घेतला. नवाझ ९६ (५६) धावांवर बाद झाला आणि भारताने सुवर्ण विजयावर शिक्कामोर्तब केले.

झंझावाती खेळीनंतरही नवाझ ठरला ‘व्हिलन’; शतक अन् सामना दोन्ही निसटले!

96 in a T20I that comes in a losing cause. Against India.

Hasan Nawaz is devastated 😕 pic.twitter.com/tuYPFUzyX2

— Cricinfo (@cricinfo) October 3, 2026

सुरुवातीपासून शेवटच्या चेंडूपर्यंत मैदानावर टिकूनही हसन नवाझ आपल्या संघाला विजयाची वेस ओलांडून देऊ शकला नाही. एका बाजूने किल्ला लढवूनही संघाला विजय मिळवून देण्यात अपयशी ठरल्याने आणि मोक्याच्या क्षणी शतक हुकल्यामुळे पाकिस्तानी मीडिया आणि संतप्त चाहत्यांच्या नजरेत एकाकी झुंज देणारा नवाझ हिरोऐवजी ‘व्हिलन’ ठरला.

हेही वाचा – IND vs PAK Asian Games 2026 Final : अभिषेक-तिलकचा जलवा! भारताने आशियाई क्रीडा स्पर्धेत पटकावले सुवर्णपदक

२०२२ पासून पराभवाची मालिका कायम; भारताचा पारंपरिक प्रतिस्पर्ध्यावर वरचष्मा!

HEARTBREAK FOR HASSAN NAWAZ. 💔🇵🇰

96 runs off 52 balls in the Asian Games final.
A true lone warrior who fought till the very end. 🫡

PHENOMENAL BATTING! 👏
One word for Hassan Nawaz: WARRIOR. 🫡 pic.twitter.com/nHmwdfqkP2

— Rehan 56 (@imrehan056) October 3, 2026

२०२२ च्या टी-२० विश्वचषकापासून सुरू झालेली पाकिस्तानच्या पराभवाची मालिका अद्याप थांबलेली नाही. एकदिवसीय विश्वचषक असो, आशिया कप असो किंवा आता आशियाई क्रीडा स्पर्धा—प्रत्येक मोठ्या मंचावर भारतीय संघाने पाकिस्तानला धूळ चारली आहे. नागोयातील या विजयाने आशियाई मंचावर पुन्हा एकदा भारतीय क्रिकेटचे निर्विवाद वर्चस्व सिद्ध केले आहे.