Gulveer Singh Silver : अमेरिकेत धडे गिरवले अन् जपानच्या ट्रॅकवर रचला इतिहास! गुलवीर सिंहने सलग दुसऱ्या आशियाई स्पर्धेत फडकवला तिरंगा
Gulveer Singh Silver : भारताच्या गुलवीर सिंहने २०२६ च्या आशियाई क्रीडा स्पर्धेत पुरुषांच्या १०,००० मीटर शर्यतीत उत्कृष्ट कामगिरी केली आहे. त्याने दुसरे स्थान पटकावून रौप्य पदक जिंकले.
Asian Games 2026 Gulveer Singh Wins Silver Mens 10000m Race Second Asiad Podium : आशियाई क्रीडा स्पर्धा २०२६ (Asian Games 2026) च्या ट्रॅकवर भारतीय धावपटूंनी आपला जलवा कायम ठेवला आहे. भारताचा स्टार लांब पल्ल्याचा धावपटू गुलवीर सिंहने (Gulveer Singh) पुरुषांच्या १०,००० मीटर शर्यतीत नेत्रदीपक कामगिरी करत रौप्यपदक (Silver Medal) पटकावले. उत्तर प्रदेशातील अतरौली गावचा रहिवासी असलेल्या २८ वर्षीय गुलवीरने ही शर्यत २८ मिनिटे २९.३८ सेकंदांत पूर्ण करून दुसरे स्थान मिळवले. आशियाई क्रीडा स्पर्धेच्या इतिहासातील गुलवीरचे हे सलग दुसरे वैयक्तिक पदक ठरले आहे.
हांगझोऊतील कांस्यानंतर नागोयात रौप्य; पदकाचा रंग बदलला!
गुलवीरने यापूर्वी २०२३ च्या हांगझोऊ आशियाई स्पर्धेत याच १०,००० मीटर शर्यतीत २८:१७.२१ वेळेसह कांस्यपदक जिंकले होते. यंदा मात्र अधिक आक्रमक धाव घेत त्याने आपल्या पदकाचा रंग बदलत भारताच्या खात्यात रौप्यपदकाची भर घातली. २०२२ च्या फेडरेशन कपमध्ये कांस्य जिंकल्यानंतर खऱ्या अर्थाने चर्चेत आलेल्या गुलवीरने अल्पावधीतच आशियातील अव्वल धावपटूंच्या यादीत मानाचे स्थान मिळवले आहे.
ग्लासगो कॉमनवेल्थ २०२६ मध्ये घडवला होता चमत्कार; जिंकली होती दोन पदके!
GULVEER SINGH BAGS SILVER IN 10000M.
TOTAL ROCKSTAR
Just a couple of months ago, Gulveer won silver at the Commonwealth Games.#Gulveer #asiangames #athleticsindia pic.twitter.com/bXfVOrnJNw— nnis Sports|Asian GamesAthletics (@nnis_sports) September 25, 2026
गुलवीर सिंहने २०२६ च्या ग्लासगो कॉमनवेल्थ गेम्समध्ये ऐतिहासिक कामगिरी करून सर्वांचे लक्ष वेधून घेतले होते. १०,००० मीटर शर्यत २७:४९.७८ वेळेत पूर्ण करत रौप्यपदक जिंकणारा तो पहिला भारतीय खेळाडू ठरला होता. याच स्पर्धेत ५,००० मीटर शर्यतीतही त्याने कांस्यपदक पटकावत एकाच राष्ट्रकुल स्पर्धेत दोन पदके जिंकण्याचा पराक्रम केला होता.
अमेरिकेत विदेशी प्रशिक्षकांकडून धडे; मोडले तिन्ही राष्ट्रीय विक्रम!
Gulveer Singh sprinted his way to victory and claimed his glory by winning a Silver in Men’s 10,000m event at the Asian Games 2026.
Gulveer never fails to make his country feel proud, adding more global victories to his name, rewriting the history of the game. Kudos to this… pic.twitter.com/nLo68YbyJ5— Amul.coop (@Amul_Coop) September 25, 2026
२०२४ मध्ये गुलवीरने अमेरिकेतील कॉलोराडो स्प्रिंग्स येथे मुख्य प्रशिक्षक स्कॉट सिमन्स यांच्या मार्गदर्शनाखाली अद्ययावत प्रशिक्षण घेतले. त्यानंतर त्याने एकामागून एक राष्ट्रीय विक्रम मोडला. सध्या ३००० मीटर (७:३४.४९), ५००० मीटर (१२:५९.७७) आणि १०००० मीटर (२७:००.२२) या तिन्ही प्रकारांतील भारताचे राष्ट्रीय विक्रम गुलवीर सिंहच्या नावावर नोंदवले गेले आहेत.
