Asian Games 2026 Ancy Sojan Wins Silver In Womens Long Jump Missing Gold By 2cm : आशियाई क्रीडा स्पर्धा २०२६ (Asian Games 2026) च्या ॲथलेटिक्स ट्रॅकवर भारताची राष्ट्रीय विक्रमवीर अँसी सोजनने (Ancy Sojan) चमकदार कामगिरी करत रौप्यपदक (Silver Medal) पटकावले. महिलांच्या लांब उडीच्या (Long Jump) श्वास रोखून धरणाऱ्या अंतिम लढतीत अँसीने ६.५३ मीटरची झेप घेतली. सुवर्णपदकाची ही लढत इतकी अटीतटीची ठरली की, केवळ ०.०२ मीटर म्हणजेच अवघ्या २ सेंटीमीटरच्या फरकाने अँसीचे सुवर्णपदक हुकले. चीनच्या यिंगयिंग हुआंगने अखेरच्या प्रयत्नात ६.५५ मीटर उडी मारून सुवर्ण पटकावले, तर चीनच्याच मेंगयी तानने (६.४६ मीटर) कांस्य जिंकले.

वडिलांनी चालवला ऑटो, समुद्रकिनाऱ्यावरील वाळूत सराव; नौदलात अधिकारी!

१ मार्च २००१ रोजी केरळच्या त्रिशूर जिल्ह्यातील नत्तिका गावात जन्मलेल्या २५ वर्षीय अँसीचा प्रवास प्रचंड संघर्षाचा राहिला आहे. आधुनिक सुविधा नसताना तिचे वडील तिला समुद्रकिनाऱ्यावर घेऊन जायचे, जिथे तिने सैल वाळूत उड्या मारून लांब उडीचे प्राथमिक धडे गिरवले. क्रीडा कौशल्याच्या जोरावर २०२४ मध्ये ती क्रीडा कोट्यातून भारतीय नौदलात (Indian Navy) दाखल झाली असून, सध्या ती चीफ पेटी ऑफिसर म्हणून सेवेत आहे.

६.८८ मीटरचा राष्ट्रीय विक्रम; सलग दुसरे आशियाई रौप्यपदक!

Congratulations to Ancy Sojan on winning the Silver Medal in the Women’s Long Jump at the Asian Games 2026.#Cheer4Bharat pic.twitter.com/m9shpzeKXK

— Dr Mansukh Mandaviya (@mansukhmandviya) September 27, 2026

अँसीने २०२५ च्या आशियाई ॲथलेटिक्स स्पर्धेत रौप्य आणि २०२६ च्या सुरुवातीला आशियाई इनडोअर स्पर्धेत कांस्यपदक जिंकले होते. या हंगामात तिने आधी ६.७५ मीटर आणि नंतर थेट ६.८८ मीटरची ऐतिहासिक उडी मारून नवा राष्ट्रीय विक्रम प्रस्थापित केला होता. आशियाई क्रीडा स्पर्धेत तिने सलग दुसऱ्यांदा रौप्यपदक जिंकून आपले निर्विवाद सातत्य सिद्ध केले आहे.

हेही वाचा – Harita Bhadra Bronze : अवघ्या ०.०१ सेकंदाच्या फरकाने मारली बाजी! महाराष्ट्राच्या हरिता भद्राने पदार्पणातच कांस्यपदक जिंकत रचला इतिहास

अखेरच्या क्षणी फिरला गेम; नागोयात फडकला तिरंगा!

Silver Then. Silver Now. 🥈🇮🇳

From Hangzhou 2023 to Aichi-Nagoya 2026, Ancy Sojan has done it again.

Two Asian Games. Two silver medals. One incredible journey. 🇮🇳#RelianceFoundation #RFSports #LetsPlay #AsianGames #TaqdeerBadalnaBachchonKaKhelHai pic.twitter.com/jlqX6hDvNL

— RelianceFoundationSports (@RFYouthSports) September 27, 2026

पहिल्या फेरीपासून आघाडीवर असणाऱ्या अँसीला अखेरच्या प्रयत्नात चिनी खेळाडूने मागे टाकले. सुवर्णपदकाने हुलकावणी दिली असली तरी, नागोयाच्या मैदानावर तिच्या ऐतिहासिक कामगिरीचे देशभरातून कौतुक होत आहे.