Asian Games 2026 Archery Sahil Jadhav Father On Double Gold Medal Success Struggle : नुकत्याच झालेल्या आशियाई क्रीडा स्पर्धा २०२६ (Asian Games 2026) मध्ये भारतीय तिरंदाजी संघाने सुवर्ण कामगिरी केली असून यामध्ये साताऱ्याचा युवा तिरंदाज साहिल जाधवने (Sahil Jadhav) तब्बल दोन सुवर्णपदके (Two Gold Medals) पटकावून देशाचे नाव उज्ज्वल केले आहे. साहिलच्या या ऐतिहासिक यशानंतर त्याच्या कुटुंबीयांमध्ये आनंदाचे वातावरण असून, ‘डिजिटल प्रभात’शी बोलताना साहिलचे वडिल राजेश जाधव यांनी मुलाच्या संघर्षाचा आणि यशाचा भावूक प्रवास उलगडला आहे. मुलाने देशासाठी दोन सुवर्णपदके जिंकल्याचा अत्यंत अभिमान वाटत असल्याचे त्यांनी सांगितले.

जुन्या बाणांवरच सराव; आर्थिक अडचणींवर मात करत साधला अचूक वेध!

साहिलचा हा प्रवास अत्यंत खडतर राहिला आहे. सुरुवातीच्या काळात त्याला अनेक अपयशांना सामोरे जावे लागले. वेळच्या वेळी नवीन धनुष्यबाण विकत घेणे किंवा पैशांची व्यवस्था करणे शक्य नव्हते, अशी बिकट आर्थिक परिस्थिती होती. अशा परिस्थितीतही खचून न जाता साहिलने उपलब्ध असलेल्या जुन्या बाणांवरच संपूर्ण एकाग्रतेने सराव सुरू ठेवला आणि विविध स्पर्धांमध्ये भाग घेत हळूहळू आपली कामगिरी उंचावली.

दृष्टी अकॅडमी ते प्रवीण सरांचे मार्गदर्शन; ५-६ वर्षे घेतली कठोर मेहनत!

साहिलने तिरंदाजीचे प्राथमिक धडे साताऱ्यातील दृष्टी अकॅडमीमध्ये (Drishti Academy) गिरवले. तिथे त्याने सलग पाच ते सहा वर्षे कठोर सराव केला. अकॅडमीचे मुख्य प्रशिक्षक प्रवीण सर यांनी साहिलला मोलाची साथ दिली आणि त्याचा पाया मजबूत केला. सुरुवातीच्या काळात खाण्यापिण्यापासून ते इतर सुविधांपर्यंत मर्यादा असतानाही प्रशिक्षकांच्या मार्गदर्शनाने त्याने हार मानली नाही.

हेही वाचा – Archery Gold Medals : भारताची गोल्डन हॅटट्रिक! चीनला अवघ्या एका गुणाने लोळवत कुशल, साहिल अन् गणेशने सुवर्णपदकावर कोरलं नाव

‘खेलो इंडिया’ ते ‘साई’ची साथ; दीड वर्षात आंतरराष्ट्रीय मंचावर गाजवला डंका!

A golden salute to Kushal Dalal, Sahil Rajesh Jadhav & Ganesh Maniratnam Thirumuru for clinching GOLD in the Compound Men’s Team event at #AsianGames2026!

Our archers continue to hit the bullseye with brilliance and consistency—securing India’s 3rd GOLD in Archery! 🎯🔥… pic.twitter.com/u2ZLwQWLax

— Kiren Rijiju (@KirenRijiju) September 30, 2026

Sahil Jadhav and Chikitha Taniparthi hold their nerve in a dramatic shoot-off against Korea to secure Gold and India’s quota for the LA 2028 Olympics! 🙌

Watch the 20th Asian Games Aichi-Nagoya LIVE on Sony Sports Network TV channels & Sony LIV.#SonySportsNetwork #SonyLIV… pic.twitter.com/Fs1JEEP415

— Sony Sports Network (@SonySportsNetwk) September 30, 2026

कोविडच्या काळात पार पडलेल्या ‘खेलो इंडिया’ स्पर्धेत साहिलने उत्कृष्ट कामगिरी करत देशात दुसरे मानांकन मिळवले. या यशामुळे त्याची निवड थेट स्पोर्ट्स ॲथॉरिटी ऑफ इंडियामध्ये (SAI) झाली. ‘साई’कडून उत्तम आहार, जिम, वैद्यकीय सुविधा आणि तज्ज्ञ प्रशिक्षक मिळाल्याने त्याच्या प्रतिभेला खऱ्या अर्थाने पंख लाभले. गेल्या दीड-दोन वर्षांत सातत्यपूर्ण कामगिरी करत साहिलने राष्ट्रीय आणि आंतरराष्ट्रीय पातळीवर स्वतःची छाप उमटवत आशियाडमध्ये दोन सुवर्णपदके जिंकून नवा इतिहास रचला.