Asian Games 2026 Mens Compound Archery India Wins Gold Against China Clean Sweep : आशियाई क्रीडा स्पर्धा २०२६ (Asian Games 2026) मध्ये भारतीय तिरंदाजांनी पुन्हा एकदा सुवर्णाक्षरांनी नवा इतिहास रचला आहे. कुशल दलाल, साहिल जाधव आणि गणेश मणिरत्नम थिरुमुरु या भारतीय त्रिकुटाने पुरुषांच्या कंपाउंड तिरंदाजी सांघिक प्रकारात (Mens Compound Archery Team) सुवर्णपदक (Gold Medal) पटकावले. अत्यंत चुरशीच्या आणि थरारक अंतिम सामन्यात भारताने चीनचा २३८-२३७ असा अवघ्या एका गुणाने पराभव करत यंदाच्या स्पर्धेत कंपाऊंड तिरंदाजीत सुवर्णपदकांची हॅटट्रिक साजरी केली.

दोन गुणांची पिछाडी भरून काढली; अखेरच्या क्षणी मारली बाजी!

अंतिम फेरीत भारताची सुरुवात काहीशी संथ झाली होती. पहिल्या फेरीनंतर भारत ५८-६० असा दोन गुणांनी पिछाडीवर पडला होता. दुसऱ्या फेरीत भारतीय तिरंदाजांनी सलग सहा अचूक ‘परफेक्ट १०’ गुण मिळवले; तरीही चीन १२०-११८ असा पुढेच होता. मात्र, भारतीय त्रिकुटाने आपला संयम ढळू दिला नाही.

अखेरच्या ६ शॉट्समध्ये कमाल; चीनच्या एका चुकीने उघडले सुवर्णद्वार!

GOLD FOR BHARAT! 🇮🇳🥇

Heartiest congratulations to Kushal Dalal, Sahil Rajesh Jadhav and Ganesh Maniratnam Thirumuru, on winning the Gold Medal in the Compound Men’s Team event at the Asian Games 2026. A proud moment for Indian archery and for the entire nation.#Cheer4Bharat pic.twitter.com/mU8b6KzdDk

— Dr Mansukh Mandaviya (@mansukhmandviya) September 30, 2026

तिसऱ्या फेरीअखेर भारताने अंतर एका गुणावर आणले (१७८-१७९). त्यानंतर निर्णायक क्षणी चीनच्या जिआओ लियाओचा नेम चुकला आणि त्याला अवघे ८ गुण मिळाले. या संधीचा पुरेपूर फायदा घेत कुशल, साहिल आणि गणेश यांनी शेवटच्या सहाही शॉट्समध्ये कोणतीही चूक न करता अचूक वेध घेतला आणि २३८-२३७ अशा अंतराने रोमहर्षक सुवर्णपदक खिशात घातले. उपांत्य फेरीत भारताने बलाढ्य कोरियाला २३६-२२९ असे नमवले होते.

हेही वाचा – Asian Games: पराभवाच्या जबड्यातून भन्नाट कमबॅक ; साहिल-चिकिताची सुवर्णझेप!

कंपाउंड तिरंदाजीत भारताचा ऐतिहासिक ‘क्लीन स्वीप’!

🏹 3 EVENTS. 3 GOLDS. INDIA JUST COMPLETED A GOLDEN HATTRICK IN NAGOYA.

It started with the women.
Then came the mixed team.
Now, the men have completed the sweep.
Sahil Jadhav. Kushal Dalal. Ganesh Mani Ratnam.
Trailing early in the final against China, India refused to blink.… pic.twitter.com/Q62W4KuMzc

— Anil Bansal (@dilseanilbansal) September 30, 2026

या विजयासह भारताने तिन्ही कंपाउंड सांघिक प्रकारांत सुवर्णपदके जिंकून संपूर्ण वर्चस्व गाजवले आहे. याआधी चिकिथा तानिपार्थी आणि साहिल जाधवच्या मिश्र संघाने कोरियाचा शूट-ऑफमध्ये पराभव करत सुवर्ण पटकावून २०२८ च्या लॉस एंजेलिस ऑलिम्पिकचा कोटा पक्का केला होता. तर महिला संघात चिकिथा, पृथिका प्रदीप आणि ज्योती सुरेखा वेन्नम यांनी चीनचा २३८-२३४ असा पराभव करून सुवर्ण जिंकले होते. भारताने २०२३ च्या हांगझोऊ आशियाडमधील तिन्ही सुवर्णपदके नागोयात दिमाखात कायम राखली आहेत.