Ashutosh Ranka:  कॉकरोच जनता पार्टीच्या पहिल्या प्रादेशिक बैठकीपूर्वी रविवारी आसाममध्ये एक मोठी घडामोड घडली. गुवाहाटीमध्ये पोलिसांनी या संघटनेचे सह-संयोजक आशुतोष रांका यांच्यासह अनेक नेते आणि कार्यकर्त्यांना ताब्यात घेतले. या अटकेनंतर, सीजेपीचे संस्थापक अभिजित दीपके यांनी आसाम पोलिसांवर टीका केली.

सीजेपी नेते अभिजित दिपके यांच्या माहितीनुसार, अंकित भारद्वाज आणि प्रेम आकाश यांच्यासह आशुतोष रांका अशा संघटनेच्या अनेक महत्वाच्या सदस्यांना आणि काही कार्यकर्त्यांनाही ताब्यात घेण्यात आले. संघटनेच्या म्हणण्यानुसार, पोलिसांनी सभेच्या ठिकाणी जाण्याचा मार्ग अडवला होता आणि लोकांना सभेत उपस्थित राहण्यापासून रोखत होते. (Ashutosh Ranka)

अटक केलेले आशुतोष रांका काल शनिवारपासून आसाममध्ये होते आणि ते सभेला संबोधित करणार होते. यापूर्वी, त्यांनी सीजेपी मतदार यादी फेरबदलामुळे प्रभावित झालेल्या कुटुंबांना भेटणार आणि त्यांच्या परिस्थितीचा आढावा घेण्यासाठी सरकारी शाळांना भेट देणार असल्याचे सांगितले होते.

रांका यांनी आरोप केला की, राज्यातील शाळा, जमीन आणि इतर मुद्द्यांवर प्रश्न विचारण्यापासून अधिकारी सीजेपीला रोखण्याचा प्रयत्न करत आहेत. त्यांनी आसाममधील मतदार यादी फेरबदलावरही प्रश्नचिन्ह उपस्थित केले.  (Ashutosh Ranka)

सीजेपीने असाही आरोप केला की, कार्यक्रमाच्या ठिकाणी अश्रुधूर उपकरणे तैनात करण्यात आली होती. तसेच त्यांच्या वकिलांना ताब्यात घेतलेल्या कार्यकर्त्यांना भेटण्याची परवानगी देण्यात आली नाही. किती स्वयंसेवकांना ताब्यात घेण्यात आले आहे आणि ते कुठे आहेत, याची पुष्टी होऊ शकली नाही, असे संघटनेने म्हटले आहे. दरम्यान, सीजेपीने आशुतोष रांका आणि इतर ताब्यात घेतलेल्या स्वयंसेवकांच्या तात्काळ सुटकेची मागणी केली आहे.

हेही वाचा: 

Nitesh Rane: सिंधुदुर्गातील दुष्काळग्रस्त भागाची पालकमंत्री नितेश राणेंकडून पाहणी; मुख्यमंत्री लवकरच कोकण दौऱ्यावर