मुंबई – काँग्रेसचे ज्येष्ठ नेते व महाराष्ट्राचे माजी मुख्यमंत्री अशोक चव्हाण यांनी करोनावर यशस्वीपणे मात केली आहे. त्यांना आज रुग्णालयातून डिस्चार्ज देण्यात आला आहे.

करोनाचे निदान झाल्यानंतरअशोक चव्हाण यांना नांदेडमधील एका खासगी रुग्णालयात दाखल करण्यात आले होते. मात्र, पुढील उपचारासाठी त्यांना मुंबईला हलवण्याचा निर्णय घेण्यात आला होता. २५ मे रोजी अशोक चव्हाण यांना मुंबईत आणण्यात आले आणि त्यांच्यावर लिलावती रुग्णालयात उपचार सुरु होते. अशोक चव्हाण यांची प्रकृती आता स्थिर असून त्यांची करोना टेस्ट निगेटिव्ह आली आहे. रुग्णालयातून डिस्चार्ज देण्यात आल्यानंतर अशोक चव्हाण मुंबईतील निवासस्थानी रवाना झाले असून तिथे १४ दिवस क्वारंटाइन राहणार असल्याची माहिती मिळत आहे.