Ashleigh Gardner Separates Wife Monica Wright : ऑस्ट्रेलियन महिला क्रिकेट संघाची उपकर्णधार आणि दिग्गज अष्टपैलू ॲश्ले गार्डनर (Ashleigh Gardner) आणि तिची पत्नी मोनिका राईट (Monica Wright) यांचा संसार अखेर मोडला आहे. दीर्घकाळ रिलेशनशिपमध्ये राहिल्यानंतर गेल्या वर्षी एप्रिल महिन्यात दोघींनी लग्न केले होते. मात्र, गेल्या महिन्यात मोनिका राईट हिने सोशल मीडियावर एक लेख शेअर करत गार्डनरवर आपलीच संघसहकारी जॉर्जिया व्हॉल (Georgia Voll) सोबत फसवणूक (Cheating) केल्याचा गंभीर आरोप केला होता. या संपूर्ण प्रकरणावर गार्डनरने आता पहिल्यांदाच अधिकृत प्रतिक्रिया दिली आहे.

गार्डनरने इंस्टावर मांडली आपली बाजू –

या वादानंतर ॲश्ले गार्डनरने इन्स्टाग्राम स्टोरीद्वारे आपली बाजू स्पष्ट केली. तिने लिहिले, “माझ्या पत्नीपासून वेगळे होणे ही माझी पूर्णपणे खाजगी बाब आहे. मात्र, उपकर्णधारपदावर कार्यरत असल्यामुळे क्रिकेट ऑस्ट्रेलियाला माझ्या वैवाहिक स्थितीबद्दल स्पष्टीकरण देणे आवश्यक होते. क्रिकेट ऑस्ट्रेलियाच्या मंडळाने माझ्या नेतृत्वावर विश्वास दाखवल्याबद्दल मी त्यांची आभारी आहे. येणाऱ्या हंगामात एक उपकर्णधार म्हणून माझी भूमिका पूर्ण जबाबदारीने पार पाडण्यासाठी मी उत्सुक आहे.”

घटस्फोटावर गार्डनरने व्यक्त केले दु:ख!

Ash Gardner breaks silence after ex-wife Monica Wright calls for her leadership sacking 👇 #CricketTwitter pic.twitter.com/a9VlQ8IN4i

— Female Cricket (@imfemalecricket) August 13, 2026

आपल्या भावना व्यक्त करताना गार्डनर पुढे म्हणाली, “मी आणि मोनिकाने एकत्र घालवलेला वेळ मी नेहमीच जपेन. या परिस्थितीमुळे झालेल्या त्रासाबद्दल आणि दुःखाबद्दल मला अत्यंत वाईट वाटत आहे. मी तिच्या भविष्यातील आयुष्यासाठी शुभेच्छा देते. या प्रकरणावर मी आता कोणतीही सार्वजनिक टिप्पणी करणार नाही आणि सर्वांनी यात समाविष्ट लोकांच्या गोपनीयतेचा (Privacy) आदर करावा, अशी मी विनंती करते.”

हेही वाचा – Starc World Record : मिचेल स्टार्कचा वर्ल्ड रेकॉर्ड! कसोटी क्रिकेटमध्ये ‘हा’ खास पराक्रम करणारा ठरला जगातील पहिलाच गोलंदाज

उपकर्णधार पदावरून हटवण्याची मागणी फेटाळली!

💔 Ashleigh Gardner caught in controversy.

Serious allegations involving teammate Georgia Voll have sparked debate over Gardner’s leadership role.

⚠️ Claims remain allegations and have not been established as fact.#AshleighGardner #GeorgiaVoll #CricketNews pic.twitter.com/ZJB8crwcP7

— Khelstake (@khelstake) August 11, 2026

या प्रकरणाची दखल घेत मोनिका राईटने क्रिकेट ऑस्ट्रेलियाकडे ॲश्ले गार्डनरला उपकर्णधारपदावरून हटवण्याची अधिकृत मागणी केली होती. मात्र, क्रिकेट ऑस्ट्रेलियाने हा दोन व्यक्तींमधील खाजगी विषय असल्याचे सांगत यात हस्तक्षेप करण्यास नकार दिला. २९ वर्षांची ॲश्ले गार्डनर ही महिला क्रिकेटमधील सर्वात यशस्वी अष्टपैलू खेळाडू मानली जाते. तिने ८ कसोटीत ३२६ धावांसह ३१ बळी, वनडेत १६९९ धावा आणि १२४ बळी तर १०६ टी-२० सामन्यांत १६३३ धावा करत ८४ बळी टिपले आहेत.