पॅरिस – ऑस्ट्रेलियाच्या ऍशलीघ बार्टीने जागतिक टेनिस क्रमवारीत अग्रस्थान घेतले आहे. तिने यंदा फ्रेंच खुल्या स्पर्धेत विजेतेपद पटकाविले होते. तिचे 6 हजार 605 गुण झाले आहेत.

जपानच्या नाओमी ओसाकाने द्वितीय स्थान घेताना 6 हजार 257 गुण मिळविले आहेत. चेक प्रजासत्ताकच्या कॅरोलिना प्लिस्कोवाने तिसरे स्थान घेताना 6 हजार 55 गुणांची नोंद केली आहे. यंदा विम्बल्डन स्पर्धेत विजेतेपदाचे स्वप्न साकार करण्याऱ्या सिमोना हॅलेपने चौथ्या स्थानावर झेप घेतली आहे. तिचे 5 हजार 933 गुण झाले आहेत.

नेदरलॅंडसची युवा खेळाडू किकी बर्टन्सने 5 हजार 130 गुणांसह पाचवे स्थान मिळविले आहे. पेत्रा क्विटोव्हा (चेक प्रजासत्ताक), एलिना स्वितोलिना (युक्रेन) व स्लोएनी स्टीफन्स (अमेरिका) यांनी अनुक्रमे 6 ते 8 क्रमांक घेतले आहेत. अनेक ग्रॅंड स्लॅम जिंकणारी 37 वर्षीय खेळाडू सेरेना विल्यम्स हिला नववे स्थान मिळाले आहेत. बेलारूसची आर्यना सॅबेलेन्काला दहावा क्रमांक मिळाला आहे.