Ashadhi Wari – संत तुकाराम महाराजांच्या पालखी सोहळ्यात मोफत वारकरी आरोग्य तपासणी शिबिर इंदापूर येथे संपन्न झाल्याची माहिती विद्रोही सांस्कृतिक चळवळी महाराष्ट्रचे संघटक शिवराम ठवरे यांनी दिली. आषाढी वारी निमित्ताने पालखी सोहळ्यात वारकर्‍यांची आरोग्य तपासणी करण्यात आली. वारकरी आरोग्य तपासणी शिबिरात सुमारे एक हजार वारकर्‍यांची तज्ज्ञ डॉक्टरांनी तपासणी केली. डॉ अंजली गुरव, डॉ. सागर सावंत, डॉ.विवेक नावडकर, डॉ. प्रेरणा जोशी, डॉ. समिक्षा कदम, डॉ. संयोगिता जाधव,

डॉ. साक्षी गाडेकर, डॉ. श्रृती शिंदे, डॉ. तनिष्क गर्ग, डॉ. हेमंत कुमार, डॉ. नवीन शर्मा, डॉ. सूरज सूर्यवंशी या डॉक्टरांनी वारकर्‍यांना आवश्यकतेप्रमाणे औषधे दिली. सातारा तालुका पंचायत समिती सदस्य राजेश पवार, सूर्यकांत हवाळे, अंकिता कांबळे, शुभम कदम, निकिता सावंत,,संकेत माने, अस्तिका आगाशे, श्रुती माने, अय्याज मुलाणी, अर्पिता देवरुखकर, रोहित क्षीरसागर, श्रीजय कदम, विशाल साळुंखे, रश्मी लोटेकर, रेवा चव्हाण, सादिका बागवान,

मनिष करपे, दीप खरात, ह.भ.प. कोंडिबा ठवरे यांनी डॉक्टरांच्या मदतीने वारकर्‍यांची सेवा केली. या शिबिरात विविध आजारावर वारकर्‍यांना औषधे आणि मलम देण्यात आले. आषाढी वारीच्या निमित्ताने विद्रोही सांस्कृतिक चळवळीतर्फे आयोजित आरोग्य सेवा शिबिरास वारकरी बांधवांचा उत्स्फूर्त प्रतिसाद लाभला. ह.भ.प.डॉ. सुहास महाराज फडतरे यांनी आरोग्य तपासणी शिबिराला भेट देत आयोजनाबद्दल कौतुक केले.

22 जुलै रोजी चिंचणी टप्पा, वाखरी येथे आरोग्य शिबिर
विद्रोहीतर्फे चिंचणी टप्पा, वाखरी सोलापूर येथेही 22 जुलै रोजी वारकरी आरोग्य तपासणी शिबिर आयोजित करण्यात आले आहे. विद्रोही सांस्कृतिक चळवळ, महाराष्ट्र गेल्या 22 वर्षांपासून वारीमध्ये आरोग्य शिबिराच्या माध्यमातून वारकर्‍यांची सेवा करत आहे. इंदापूर येथील आरोग्य शिबिराचे आयोजन विद्रोही सांस्कृतिक चळवळीच्या सातारा जिल्हा शाखा यांच्यावतीने करण्यात आले.