Asaduddin Owaisi on Sharmishtha। भारताच्या ऑपरेशन सिंदूरनंतर एआयएमआयएमचे प्रमुख असदुद्दीन ओवेसी यांनी उघडपणे पाकिस्तानवर टीका केली आहे. त्यांनी त्यांच्या भाषणांमध्ये पाकिस्तानवर कडक शब्दात टीका केली आहे, पण आता ओवेसी एका गोष्टीमुळे प्रचंड सांतापले असल्याचे दिसून येत आहे. कारण सोशल मीडियावर एक व्हिडिओ व्हायरल होत आहे. शर्मिष्ठा नावाच्या  व्हिडिओ क्रिएटरने पैगंबर मोहम्मद यांचा अपमान केल्याचा दावा केला जात आहे. या मुद्द्यावर ओवेसी यांनी प्रतिक्रिया दिली आहे.

व्हिडिओ क्रिएटर शर्मिष्ठाने अलीकडेच पाकिस्तान आणि पहलगाम दहशतवादी हल्ल्यावर एक व्हिडिओ बनवला होता. यामध्ये तिने पैगंबर मोहम्मद यांच्याविषयी अपशब्द वापरले. व्हायरल व्हिडिओनंतर ओवेसी यांनी संताप व्यक्त केला आहे. याविषयी बोलताना त्यांनी, “मी महाराष्ट्र सरकारला सांगू इच्छितो की एक महिला आहे. ती सल्लल्लाहु अलैहि वसल्लम बद्दल बकवास बोलत आहे. नंतर, जेव्हा वारिस पठाण आणि इतर लोकांनी तक्रार केली तेव्हा त्यांनी सांगितले की शेजारील देश पाकिस्तानमधील कोणीतरी मला शिवीगाळ केली आणि म्हणून मी व्हिडिओ बनवला. मी महाराष्ट्र सरकारला सांगू इच्छितो की त्यांच्यावर कारवाई करावी. अटकही झाली पाहिजे.” अशी मागणी त्यांनी केली आहे.

शर्मिष्ठा सोशल मीडियावर का व्हायरल होतेय? Asaduddin Owaisi on Sharmishtha। 

शर्मिष्ठाने अलिकडच्या काळात पाकिस्तानविरुद्ध अनेक व्हिडिओ बनवले आहेत. तिने पहलगाम दहशतवादी हल्ल्यावर एक व्हिडिओ देखील बनवला होता, परंतु महत्त्वाची गोष्ट म्हणजे शर्मिष्ठाच्या बहुतेक व्हिडिओंमध्ये अपशब्द वापरण्यात आले आहेत. आता शर्मिष्ठावर धर्माचा अपमान केल्याचा आरोप करण्यात आला आहे.

ओवैसी यांनी कर्नल सोफिया कुरेशीसाठीही आवाज उठवला Asaduddin Owaisi on Sharmishtha।

अलिकडेच भारतीय जनता पक्षाचे नेते विजय शाह यांनी कर्नल सोफिया कुरेशी यांच्यासाठी चुकीचे शब्द वापरले होते. विजय शाहने ती दहशतवाद्यांची बहीण असल्याचे म्हटले होते. ओवैसी यांनीही यावर आवाज उठवला होता आणि विजय शाह यांच्यावर कारवाईची मागणी केली होती.