Sushma Andhare post : मुंबईत आयोजित पत्रकार परिषदेत भाजपचे प्रदेशाध्यक्ष रवींद्र चव्हाण यांनी नव्या पदाधिकाऱ्यांच्या नावांची घोषणा केली आहे. या नावांमध्ये काही नेत्यांना बढती मिळाली असून, काही तरुण चेहऱ्यांवर मोठी जबाबदारी सोपविण्यात आली आहे. यानंतर शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांनी सोशल मीडियावर एक खोचक पोस्ट लिहिली आहे. या पोस्टमधून त्यांनी भाजपने जाहीर केलेल्या कार्यकरणीवर भाष्य केले करत टोला लगावला आहे. भाजपने मुख्य प्रवक्ता म्हणून नवनाथ बन यांच्यावर जबाबदारी सोपवली आहे. तर भाजप प्रदेश उपाध्यक्ष म्हणून केशव उपाध्ये यांच्या नावाची घोषणा करण्यात आली आहे. या निवडीवर सुषमा अंधारेंनी भाजपला जोरदार टोला लगावला आहे. भाजपच्या संघर्षाच्या काळात भाजपाला सत्ता स्थानी पोहोचवण्यासाठी ज्या लोकांनी खस्ता खाल्ल्या त्यांना नव्या लोकांच्यासाठी सतरंज्या टाकण्याचे काम भाजपाने दिले आहे, या शब्दांत अंधारेंनी टोला लगावला. सुषमा अंधारेंनी नेमंक पोस्टमध्ये काय म्हटलंय? भाजपच्या नवीन कार्यकारिणीची यादी आज बघितली. उपाध्ये यांना हळूहळू सतरंजीच्या कोपऱ्यावर आणून हाकलण्याची तयारी सुरू झाली आहे हे बघून खंत वाटली. भाजपच्या संघर्षाच्या काळात भाजपाला सत्ता स्थानी पोहोचवण्यासाठी ज्या लोकांनी खस्ता खाल्ल्या त्यांना नव्या लोकांच्यासाठी सतरंज्या टाकण्याचे काम भाजपाने दिले आहे… ही फडणवीसांची भाजपा आहे.. ! भाजपच्या नवीन कार्यकारिणीची यादी आज बघितली… उपाध्ये यांना हळूहळू सतरंजीच्या कोपऱ्यावर आणून हाकलण्याची तयारी सुरू झाली आहे हे बघून खंत वाटली… भाजपच्या संघर्षाच्या काळात भाजपाला सत्ता स्थानी पोहोचवण्यासाठी ज्या लोकांनी खस्ता खाल्ल्या त्यांना नव्या लोकांच्यासाठी सतरंज्या… — SushmaTai Andhare (@andharesushama) February 24, 2026 भाजपकडून नवीन पदाधिकाऱ्यांच्या नावांची घोषणा भाजपमध्ये मोठे फेरबदल करत नव्या पदाधिकाऱ्यांच्या नावाची घोषणा करण्यात आली आहे. भाजपचे प्रेदशाध्यक्ष रवींद्र चव्हाण यांनी मुंबईत आयोजित पत्रकार परिषदेत नव्या पदाधिकाऱ्यांच्या नावाची घोषणा केली. यामध्ये मुख्य प्रवक्ता, सरचिटणीस, चिटणीस, उपाध्यक्ष, कोषाध्यक्ष आणि भाजप युवा मोर्चा अध्यक्ष या पदांचा समावेश आहे. हेही वाचा : Stock Market Today: शेअर बाजारात खळबळ ! सेन्सेक्स ५२४ अंकांनी घसरला, निफ्टीदेखील लाल रंगात उघड