ईटानगर : अरुणाचल प्रदेशातील तवांग येथे गेल्या आठवड्यात भारतीय आणि चिनी सैनिकांमध्ये झालेल्या चकमकीनंतर भारतीय हवाई दल ईशान्येत दोन दिवसीय सराव करणार आहे. या मोहिमेसाठी हवाई दलाने सुखोई-30 एमकेआय आणि राफेल जेट विमानांचा समावेश केला आहे.

तवांगमध्ये रशियन बनावटीच्या सुखोई-30 एमकेआयचा सराव केला जाईल. सुखोई-30 हे भारतीय हवाई दलाचे सर्वात शक्तिशाली लढाऊ विमान मानले जाते. ते उड्डाणाच्या वेळी हवेतच इंधन भरू शकते. सुखोई-30 हे विमान सुमारे तीन हजार किमीपर्यंत उड्डाण करू शकते.

वर्ष 2000 मध्ये भारत आणि रशियामध्ये सुखोई-30 बाबत करार झाला होता. दोन वर्षांनंतर सुखोई-30 भारतीय ताफ्यात सामील करण्यात आले. सुखोई-30 भारतात सामील होताच भारतीय हवाई दलाची ताकद अनेक पटींनी वाढली होती. सध्या भारताकडे 150 हून अधिक सुखोई विमाने आहेत.

भारतीय हवाई दलाच्या ताफ्यात समाविष्ट असलेले राफेल लढाऊ विमान शत्रू देशांची शस्त्रे पाडण्यासाठी प्रभावी आहे. हे विमान हॅमर आणि लेझर गाईडेडच्या मदतीने क्षेपणास्त्र हल्ला करते. राफेलने गुप्तचर, पाळत ठेवणे आणि टोपण क्रियाकलापांमध्ये आश्‍चर्यकारक अचूकता दर्शविली आहे.

US : ‘गोल्डन गेट ब्रिज’वरुन समुद्रात उडी, भारतीय वंशाच्या युवकानं उचललं टोकाचं पाऊल

राफेलच्या सामर्थ्यासमोर चीनची अनेक विमाने अतिशय लहान आहेत. राफेल 3700 किमीच्या जवळपास उड्डाण करू शकते. या विमानात तीन प्रकारची क्षेपणास्त्रे आहेत. राफेलचे वैशिष्ट्य म्हणजे ते क्षेपणास्त्र हवेतच मारा करू शकते. संरक्षण मंत्रालयाने दिलेल्या माहितीनुसार, अरुणाचल प्रदेशच्या चिनी सीमावर्ती भागातला तणाव निवळेपर्यंत गरजेप्रमाणे हवाई कसरती अथवा लष्करी कवायती सुरु राहतील.