Apne 2: निर्माता-दिग्दर्शक अनिल शर्मा यांनी ‘अपने 2’ या चित्रपटाबद्दल मोठी माहिती दिली आहे. 2007 मध्ये आलेल्या ‘अपने’ चित्रपटाच्या पुढील भागात पुन्हा देओल कुटुंब एकत्र दिसणार आहे. सनी देओल सध्या ‘बॉर्डर 2’ आणि ‘रामायण’ या चित्रपटांमध्ये व्यस्त आहेत, तर बॉबी देओल ‘अल्फा’ चित्रपटामुळे चर्चेत आहेत. पण आता हे दोघे आणि धर्मेंद्र पुन्हा एकत्र ‘अपने 2’ मध्ये दिसणार आहेत. अनिल शर्मा यांनी सांगितले की या चित्रपटाची स्क्रिप्ट पूर्ण झाली आहे. ते सध्या अनेक स्क्रिप्ट्सवर काम करत आहेत, त्यापैकी ‘अपने 2’ एक आहे. मात्र हा त्यांचा पुढचा प्रोजेक्ट असेल की नाही, हे स्पष्ट नाही. पण चित्रपट नक्की बनणार असल्याची खात्री त्यांनी दिली. धर्मेंद्र, सनी आणि बॉबी यांना या चित्रपटासाठी तयार करणे कठीण नव्हते, असं दिग्दर्शक म्हणाले. कारण हे तिघेही आधीपासून एकत्र काम करायची इच्छा बाळगत होते. कथा ऐकल्यावर धर्मेंद्र भावुक झाले, बॉबीने अनिल शर्मा यांना मिठी मारली, तर सनी देओल लगेचच तयार झाले. अनिल शर्मा यांनी सांगितले की देओल कुटुंबाशी त्यांचे केवळ व्यावसायिकच नाही, तर खूप जवळचे नाते आहे. एकमेकांवर विश्वास आणि खूप स्नेह असल्यामुळे काम करणं सोपं होतं. ‘अपने 2’ ची रिलीज डेट अद्याप जाहीर झालेली नाही, पण लवकरच घोषणा होण्याची शक्यता आहे. याचबरोबर दिग्दर्शकांनी ‘गदर 3’ सुद्धा बनणार असल्याचं पुष्टी केलं आहे.
