श्‍योपूर – श्योपूरच्या कुनो नॅशनल पार्कमध्ये आणखी एका चित्त्याचा मृत्यू झाला. नामिबियातून आणलेल्या चित्ता ‘शौर्य’चा दुपारी ३.१७ वाजता मृत्यू झाला. तत्पूर्वी, सकाळी ११ वाजता चित्त्यांवर नजर ठेवणाऱ्या पथकाने त्याला पाहिले तेव्हा तो बेशुद्ध अवस्थेत होता. टीमने त्याला शांत केले आणि त्याला सीपीआर (कार्डिओ पल्मोनरी रिसुसिटेशन) दिले. काही वेळाने त्याला शुद्धी आली पण तो खूप अशक्त झाला होता.

शौर्यच्या मृत्यूचे कारण शवविच्छेदन अहवालानंतर स्पष्ट होईल. कुनोमधला हा आतापर्यंतचा १० वा मृत्यू असून त्यात ७ चित्ते आणि ३ बछड्यांचा समावेश आहे. येथे प्रोजेक्ट चित्ता अंतर्गत सप्टेंबर २०२२ मध्ये नामिबियातून ८ चित्ते आणण्यात आले. तर फेब्रुवारी २०२३ मध्ये दक्षिण आफ्रिकेतून आणखी १२ चित्ते आणण्यात आले.

चित्ता शौर्य त्याचा खरा भाऊ गौरव सोबत आला होता. दोघेही नेहमी एकत्र राहत आणि एकत्र शिकार करत. काही काळापूर्वी या दोघांची अग्नी आणि वायु चित्ता यांच्याशी धुमश्चक्री झाली होती. दोघेही सख्खे भाऊ होते. यामध्ये अग्नि गंभीर जखमी झाला. यानंतर चित्त्याला बंदिस्त करण्यात आले होते.