अण्णा विद्यापीठातील ‘त्या’ प्रकरणातील आरोपी ज्ञानशेखरन दोषी ; न्यायालय २ जूनला देणार मोठा निकाल
Anna University Case । अण्णा विद्यापीठातील लैंगिक छळ प्रकरणातील आरोपी ज्ञानशेखरनला बुधवारी चेन्नई महिला न्यायालयाने दोषी ठरवले. महिला न्यायालयाच्या न्यायाधीश राजलक्ष्मी २ जून रोजी निकाल सुनावतील. ही घटना गेल्या वर्षी डिसेंबरमधील आहे. एका १९ वर्षीय विद्यापीठाच्या विद्यार्थिनीवर बलात्कार झाला. या प्रकरणाचा तपास करत असताना पोलिसांनी एका आरोपीला अटक केली. त्याची ओळख ज्ञानशेखरन अशी झाली. आता न्यायालयाने त्याला दोषी घोषित केले आहे.
अण्णा विद्यापीठात ३७ वर्षीय ज्ञानशेखरन बिर्याणी विकायचा. २३ डिसेंबर २०२४ रोजी दुसऱ्या वर्षाची विद्यार्थिनी तिच्या मित्राला भेटायला गेली होती. ज्ञानशेखरनही याठिकाणी येतो आणि विद्यार्थ्याच्या मित्राला मारहाण करतो. यानंतर विद्यार्थिनीवर बलात्कार करण्यात आला. या घटनेनंतर कोट्टूरपुरम पोलिस ठाण्यात तक्रार दाखल करण्यात आली आणि दोघांनाही उपचारासाठी खाजगी रुग्णालयात दाखल करण्यात आले.
Chennai: Gananesekaran found guilty in Anna University sexual abuse case
Read @ANI Story |https://t.co/CMkngQFOga #ChennaiMahilaCourt #AnnaUniversity #SexualAbuseCase pic.twitter.com/MSOCm4dpUu
— ANI Digital (@ani_digital) May 28, 2025
न्यायालय २ जून रोजी निकाल देणार Anna University Case ।
प्रकरणाचे गांभीर्य पाहून पोलीस सक्रिय झाले. त्यांनी आरोपी ज्ञानशेखरनला अटक केली. तो बिर्याणी विकायचा. आता न्यायालयाने ज्ञानशेखरनला दोषी ठरवले आहे आणि २ जून रोजी निकाल जाहीर केला जाणार असल्याचे म्हटले. या घटनेबद्दल सोशल मीडियावर बरीच चर्चा झाली. यासोबतच विद्यापीठातील विद्यार्थ्यांनीही निषेध केला.
अण्णा विद्यापीठाच्या घटनेनंतर पोलिस प्रशासनावर प्रश्नचिन्ह Anna University Case ।
शहराच्या मध्यभागी घडलेल्या या घटनेने संपूर्ण राज्य हादरून गेले. विरोधी पक्ष तसेच सत्ताधारी द्रमुकच्या मित्रपक्षांनी या घटनेवर जोरदार टीका केली होती. या घटनेनंतर ग्रेटर चेन्नई पोलिसांना तीव्र टीकेचा सामना करावा लागला आहे. अधिकाऱ्यांनी यापूर्वी नाताळच्या उत्सवासाठी कडक सुरक्षा व्यवस्था केल्याचा आणि ८,००० हून अधिक अधिकारी ड्युटीवर तैनात केल्याचा दावा केला होता.
