Ankita Lokhande ।  दरवर्षी गणेश चतुर्थीची प्रत्येकजण आतुरतेने वाट पाहत असतो. सामान्य असो की विशेष, प्रत्येकजण आपापल्या भक्तीनुसार बाप्पाची पूजा करतो. बाप्पाचे भक्त त्याला आपल्या घरी आणतात आणि पूर्ण भक्तीभावाने त्याची पूजा करतात.

कलाकार देखील मोठ्या थाटामाटात गणेश चतुर्थी साजरी करतात. बिग बॉस 17 फेम आणि अभिनेत्री अंकिता लोखंडे देखील दरवर्षी गणेश चतुर्थी साजरी करते. अशात यावेळीही तिला बाप्पाची मूर्ती आणायची होती, पण तिथे असे काही घडले की, त्यांना एका महिलेची माफी मागावी लागली. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.

 

View this post on Instagram

 

A post shared by Instant Bollywood (@instantbollywood)

अंकिता लोखंडे नुकतीच बाप्पाची मूर्ती आणायसाठी गेली होती. अंकिताला पाहताच तेथे पापाराझींची गर्दी जमली. आधी मूर्ती खरेदीसाठी लोकांची गर्दी होती आणि अंकिताला पाहिल्यानंतर पापाराझीही आले. हे पाहून तिथे उपस्थित असलेल्या एका महिलेला पापाराझींचा राग आला आणि तिने जोरजोरात आरडाओरड करण्यास सुरुवात केली. प्रकरण वाढत असल्याचे पाहून अंकिताने महिलेला थांबवून माफी मागितली.

अंकिताचा हा व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओवर लोकांकडून मजेदार कमेंट येत आहेत. यावर कमेंट करताना एका यूजरने लिहिले की, ‘गणपतीच्या आगमनादरम्यान अंकिताची मनापासून माफी.’ आणखी एका यूजरने लिहिले की, ‘अंकिताने माफी मागितली ही मोठी गोष्ट आहे, पण ऐकून आनंद झाला.’ एकाने विनोदाने लिहिले, ‘सिघम आंटी.’ अशा अनेक कमेंट्स या व्हिडिओवर येत आहेत.