Prime Video Dahaad 2 : प्राइम व्हिडीओ या ओटीटी माध्यमावरील दहाड ही अभिनेत्री सोनाक्षी सिन्हा हिची प्रमुख भूमिका असलेली वेबसिरीज हिट ठरली. या सिरीजमधील आशय प्रेक्षकांना विचार करायला भाग पाडणारा होता. याशिवाय सोनाक्षीने सिरीजमध्ये पहिल्यांदाच एका लेडी पोलीस अधिकाऱ्याची भूमिका साकारलेली होती. आता दहाड २ विषयी एक मोठी अपडेट समोर आली आहे. हेही वाचा : कादशीनिमित्त गर्दी अन् घडला अनर्थ! वेंकटेश्वर स्वामी मंदिरात चेंगराचेंगरीत ९ भाविकांचा मृत्यू, या सिरीजच्या दुसऱ्या सीझनची घोषणा करण्यात आली असून, शुटिंगला लवकरच सुरूवात करण्यात येणार असल्याची माहिती मिळत आहे. तशी तयारी सुरू असून, दिग्दर्शिका रीमा कागतीने या मोठ्या प्रोजेक्टवर काम सुरू केल्याचे वृत्त आहे. दहाड वेबसिरीजची ही सिरीज सिक्वल असणार आहे. २०२३ मध्ये दहाड वेबसिरीज प्राइम व्हिडीओ ओटीटीवर स्ट्रीम करण्यात आली होती. या वेबसिरीजला प्रेक्षक आणि समीक्षकांचा उत्तम प्रतिसाद मिळाला. सोनाक्षीने साकारलेल्या एसआय अंजली भाटी या निर्भड पोलिस अधिकाऱ्याच्या भूमिकेचे खूप कौतुक झाले. सूत्रांनी दिलेल्या माहितीनुसार, रीमा कागतीने दहाड २ ची पटकथा पूर्ण केली आहे. डिसेंबर २०२५ मध्ये शुटिंगला सुरूवात केली जाणार आहे. सध्या या वेबसिरीजच्या प्री-प्रॉडक्शनवर काम सुरू आहे. सोनाक्षी पुन्हा एकदा अंजली भाटीची भूमिका साकारणार आहे. यावेळीही वेबसिरीजची कथा सामाजिक वास्तवांवर आणि ज्या मुद्द्यांवर मोकळेपणाने चर्चा करणे आवश्यक आहे त्यावर आधारित असेल. या सिरीजमधील खलनायकाचे कास्टिंग सुरू आहे. रीमा कागतीने याआधी जिंदगी ना मिलेगी दोबारा, दिल धडकने दो, मेड इन हेवन आणि दहाड सारखे उत्तम प्रोजेक्ट केले आहेत. हेही वाचा : “तो मला आजही…”; प्रसिद्ध अभिनेता आहे स्वरा भास्करचा क्रश, म्हणाली “90 च्या दशकात…”
