Anil Deshmukh : मुंबईचे माजी पोलीस आयुक्त परमबीर सिंग यांच्या कथित भ्रष्ट कारनाम्यांवरून महाराष्ट्राच्या राजकारणात पुन्हा एकदा खळबळ उडाली आहे. राष्ट्रवादी काँग्रेस (शरदचंद्र पवार) पक्षाचे नेते आणि माजी गृहमंत्री अनिल देशमुख (Anil Deshmukh) यांनी आज मुंबईत आयोजित पत्रकार परिषदेत परमबीर सिंग यांच्यावर जोरदार टीका केली. अनिल देशमुख म्हणाले (Anil Deshmukh) की, मी गृहमंत्री असताना परमबीर सिंग यांनी माझ्यावर खोटे आरोप करून मला बदनाम करण्याचा कट रचला होता. मात्र आता त्यांचे भ्रष्टाचाराचे प्रकार एकामागून एक उघड होत आहेत. मुंबईतील प्रसिद्ध लीलावती रुग्णालय प्रशासनाने त्यांना अपमानास्पद पद्धतीने पदावरून काढून टाकल्याने त्यांचे खरे स्वरूप जनतेसमोर आले आहे. anil deshmukh रुग्णालयातील ट्रस्टी आणि डॉक्टरांनी परमबीर सिंग यांच्यावर गंभीर आरोप केले आहेत. मिळालेल्या माहितीनुसार, डॉक्टरांना बढती देण्यासाठी प्रत्येकी २५ लाख रुपयांची लाच मागितल्याचा आरोप आहे. या आर्थिक गैरव्यवहारांमुळेच रुग्णालय प्रशासनाने त्यांची हकालपट्टी केल्याचे सांगितले जात आहे. अँटिलिया प्रकरणातही दिशाभूल अनिल देशमुख यांनी अँटिलिया प्रकरणाचाही उल्लेख केला. मुकेश अंबानी यांच्या अँटिलिया निवासस्थानाबाहेर स्फोटक सापडल्याप्रकरणी तपासात दिशाभूल होत असल्याने तपास परमबीर सिंग यांच्याकडून काढून एटीएस कडे देण्यात आला होता. एटीएसच्या तपासात त्यांच्यावर संशयाची सुई फिरली होती, असेही देशमुख म्हणाले. शेवटी बडतर्फी टाळण्यासाठी परमबीर सिंग यांनी माझ्यावर १०० कोटींचे खोटे आरोप केल्याचा दावा करत, या संपूर्ण प्रकरणाची सखोल चौकशी व्हावी, अशी मागणी अनिल देशमुख यांनी केली.
