यादरम्यान, ‘काढ रे तो फोटो, असे आदेश त्यांनी कार्यकर्त्याला दिले. कार्यकर्त्याने लगेचच छत्रपती  शिवाजी महाराजांशेजारी असलेला पंतप्रधान मोदींचा फोटो काढला. यानंतर भाजप कार्यकर्त्यांनी अमित ठाकरे यांच्यावर गुन्हा दाखल करण्याची मागणी केली होती.

याप्रकरणी शासकीय तंत्रनिकेतन महाविद्यालयाच्या प्राचार्यांनी दिलेल्या तक्रारीनुसार, चतुश्रुंगी पोलिसांनी सोमवारी संध्याकाळी अमित ठाकरे यांच्यासह यांच्यासह २५ जणांविरुद्ध विरोधात गुन्हा दाखल केला. प्राचार्य डाॅ. राजेंद्र काशीराम पाटील (वय ५२, रा. भुसारी काॅलनी, कोथरूड) यांनी चतु:शृंगी पोलीस ठाण्यात फिर्याद दिली आहे.

मोदींचा फोटो हटवला आणि धमकी दिल्याचा आरोप  

‘अमित ठाकरे हे २० ते २५ पदाधिकाऱ्यांसह सोमवारी दुपारी साडेबाराच्या सुमारास गणेशखिंड रस्त्यावरील शासकीय तंत्रनिकेतन महाविद्यालयाच्या आवारात आले.  त्यांनी डाॅ. राजेंद्र पाटील यांच्या कार्यालयात प्रवेश केला. यादरम्यान अमित ठाकरे हे विद्यार्थ्यांच्या वसतिगृहातील आणि मेसमधील, स्वच्छतागृहातील अस्वच्छता याबाबत आम्हाला जाब विचारून मोठा आवाजात धमकीवजा सूचना देत होते.

तसेच कार्यालयात लावलेला पंतप्रधान नरेंद्र मोदी यांचा फोटो हटवला आणि महाराष्ट्र नवनिर्माण विद्यार्थी सेनेच्या कार्यकर्त्यांनी आवारात घोषणाबाजी केली,’ असा आरोप प्राचार्य डाॅ. पाटील यांनी फिर्यादीत केला.

याशिवाय आम्ही दिलेल्या सुचनांची पुढील आठ दिवसात पूर्तता केली नाही तर, आम्ही पुन्हा तुमच्या कार्यालयात येऊन आंदोलन करु अशी धमकी दिली, अशीही तक्रार प्राचार्यांनी दिली.

हेही वाचा: 

PMC Waste Management: महापालिकेचा मोठा निर्णय! चिंध्या अन् फर्निचर कचऱ्यावर होणार प्रक्रिया; स्थायी समितीत प्रस्ताव दाखल