America – Pakistan । अमेरिकेच्या डोनाल्ड ट्रम्प प्रशासनाने लादलेल्या २९% कराला पाकिस्तान आव्हान म्हणून न पाहता संधी म्हणून पाहण्याची योजना आखत आहे. कारण नुकतेच अर्थमंत्री मोहम्मद औरंगजेब यांनी यासंदर्भात एक निवेदन दिले आहे. या निवेदनात त्यांनी पाकिस्तान अमेरिकेच्या व्यापार धोरणात होत असलेल्या बदलांचा संधी म्हणून वापर करेल” असे म्हटले आहे.

अमेरिकेने पाकिस्तानातून आयात होणाऱ्या वस्तूंवर २९% कर वाढवण्याचा निर्णय घेतला आहे, ज्यामुळे पाकिस्तानी निर्यातदारांसमोर मोठे आव्हान निर्माण झाले आहे. मात्र, अर्थमंत्र्यांनी सांगितले की, “अशा कठीण काळातही पाकिस्तान या आव्हानाचे संधीत रूपांतर करण्याचा प्रयत्न करेल.” पुढे ते म्हणाले, ‘चांगल्या संकटाचा फायदा घेण्याची संधी तुम्ही कधीही सोडू नये.’ आम्ही याकडे आव्हान आणि संधी दोन्ही म्हणून पाहतो.”असेही त्यांनी म्हटले.

वॉशिंग्टनला एक उच्चस्तरीय शिष्टमंडळ पाठवले जाणार America-Pakistan । 

या आव्हानावर तोडगा काढण्यासाठी, पाकिस्तान वॉशिंग्टनला एक उच्चस्तरीय शिष्टमंडळ पाठवण्याची योजना आखत आहे. अर्थमंत्री औरंगजेब यांनी याविषयी माहिती देताना, “पंतप्रधानांकडून मंजुरी मिळाल्यानंतर हे शिष्टमंडळ अमेरिकेत पाकिस्तानचा दृष्टिकोन मांडण्याचा आणि दोन्ही देशांमधील संबंध मजबूत करण्याचा प्रयत्न करेल” असे म्हटले.

आर्थिक सुधारणांवर लक्ष केंद्रित करा America – Pakistan । 

अर्थमंत्र्यांनी सांगितले की,”पाकिस्तान सरकार विविध अंतर्गत सुधारणांवरही काम करत आहे. त्यांनी कर महसूल वाढीचे कौतुक केले आणि सांगितले की पुढील महिन्यापर्यंत पाकिस्तानचा कर महसूल १०.६ टक्क्यांपर्यंत पोहोचण्याची अपेक्षा आहे. याशिवाय, त्यांनी महागाई कमी होणे आणि व्याजदरात संभाव्य कपात करण्याबद्दल देखील बोलले, ज्यामुळे पाकिस्तानची आर्थिक स्थिती सुधारेल”

ऊर्जा क्षेत्रातील सुधारणा आणि कर्ज व्यवस्थापन

अर्थमंत्र्यांनी ऊर्जा क्षेत्रातील सुधारणांबद्दलही बोलले, जिथे त्यांनी उद्योगांसाठी वीज दरात एक तृतीयांश कपात करण्याची घोषणा केली. याशिवाय, कर्ज व्यवस्थापनाच्या बाबतीत, सरकारने कर्जाचा कालावधी देखील वाढवला आहे, ज्यामुळे सरकारला कर्जावरील व्याजाचा भार कमी करण्यास मदत होईल” असेही त्यांनी म्हटले आहे.

या शुल्काचा आपल्याला खरोखरच फायदा होईल का?

शेजारच्या देशाचे अर्थमंत्री औरंगजेब ट्रम्पच्या टॅरिफमध्ये फायदे शोधण्याबद्दल बोलत असतील, परंतु पाकिस्तान सरकार या व्यापार युद्धाबद्दल चिंतेत आहे आणि हे स्पष्टपणे दिसून येत आहे. डोनाल्ड ट्रम्प यांनी शुल्काची घोषणा केल्यानंतर, पाकिस्तानचे पंतप्रधान शाहबाज शरीफ यांनी या प्रकरणावर तातडीने कारवाई केली आणि दोन समित्या स्थापन केल्या. अर्थमंत्री मोहम्मद औरंगजेब यांच्या नेतृत्वाखाली एक समिती स्थापन करण्यात आली आहे. यामध्ये अर्थतज्ज्ञ आणि उद्योगातील लोकांचा समावेश करण्यात आला आहे.