America on TRF। अमेरिकेने पाकिस्तानच्या दहशतवादी हेतूंना जोरदार झटका दिला आहे. त्यांनी ‘द रेझिस्टन्स फ्रंट’ (टीआरएफ) ला दहशतवादी संघटना घोषित केले आहे. टीआरएफ ही पाकिस्तानस्थित लष्कर-ए-तोयबाची संघटना आहे. अमेरिकेचे परराष्ट्र मंत्री मार्को रुबियो यांनी याबद्दल संपूर्ण माहिती दिली आहे. महत्त्वाची गोष्ट म्हणजे पहलगाममधील दहशतवादी हल्ल्यासाठी अमेरिकेने टीआरएफला जबाबदार धरले आहे. या दहशतवादी हल्ल्यात २६ पर्यटकांना आपला जीव गमवावा लागला. एका इंग्रजी वर्तमानपत्रातील वृत्तानुसार ही माहिती समोर आली आहे. अमेरिकेचे परराष्ट्र मंत्री मार्को रुबियो यांनी टीआरएफचे वर्णन ‘लष्कराचा मुखवटा’ असल्याचे म्हटले आहे. त्याचे मुख्यालय पाकिस्तानमध्ये असून याठिकाणावरून ही संघटना कार्यरत असल्याचे सांगण्यात आलॆ आहे. लष्कराने आतापर्यंत अनेक दहशतवादी घटना घडवून आणल्या आहेत. पहलगाम हल्ल्यानंतर अमेरिकेने लगेचच म्हटले होते की,”ते दहशतवादाविरुद्धच्या लढाईत भारतासोबत उभे आहे.” टीआरएफने पहलगाम हल्ल्याची घेतली जबाबदारी America on TRF। रुबियो यांनी पुढे या संघटनेविषयी सांगताना,”टीआरएफला दहशतवादी संघटना घोषित करणे हे आपल्या राष्ट्रीय सुरक्षा हितांचे रक्षण करण्याच्या विचारसरणीचे प्रतिबिंब आहे. यावरून हे देखील दिसून येते की आपण दहशतवादाविरुद्ध लढण्यासाठी आणि पहलगाम हल्ल्यासाठी न्याय मिळवण्यासाठी किती वचनबद्ध आहोत.” असे त्यांनी म्हटले. त्यासोबतच टीआरएफने पहलगाम हल्ल्याची जबाबदारी घेतली होती. २००८ मध्ये मुंबई हल्ल्यानंतर अमेरिकेने तिला भारतातील नागरिकांसाठी सर्वात घातक दहशतवादी संघटना घोषित केले होते. पाकिस्तानला मोठा धक्का America on TRF। टीआरएफला दहशतवादी संघटना घोषित केल्यानंतर पाकिस्तानला मोठा धक्का बसला आहे. पाकिस्तान दहशतवाद्यांना पोसण्यासाठी कठोर परिश्रम करतो आणि त्यांचा भारताविरुद्ध वापर करतो. आता टीआरएफवर कठोर निर्बंध देखील लादले जाऊ शकतात. त्यांनी काश्मीरमध्ये सुरक्षा दलांवर अनेक वेळा हल्ले देखील केले आहेत. अमेरिकेने असेही मान्य केले आहे की टीआरएफ भारतीय सुरक्षा दलांना लक्ष्य करणाऱ्या हल्ल्यांशी जोडलेला आहे. भारताने ऑपरेशन सिंदूरद्वारे पहलगाम दहशतवादी हल्ल्याचा बदला घेतला. या दरम्यान, १०० हून अधिक दहशतवादी मारले गेले.
