Dhadkan Re Release | अभिनेता अक्षय कुमार, शिल्पा शेट्टी आणि सुनील शेट्टी यांचा ‘धडकन’ हा आयकॉनिक चित्रपट री-रिलीज होणार आहे. आजही या चित्रपटाची क्रेझ कायम पाहायला मिळते. या चित्रपटातील गाण्यांनी देखील प्रेक्षकांना अक्षरश: वेड लावले होते. लव्ह ट्रँगल असलेला हा चित्रपट 2000 मध्ये प्रदर्शित झाला होता आणि त्यावेळी तो ब्लॉकबस्टर ठरला होता. आता 25 वर्षांनंतर हा चित्रपट प्रेक्षकांना चित्रपटगृहात पाहता येणार आहे. ‘धडकन’ ही एक सुंदर प्रेमकथा आहे. या चित्रपटातील डायलॉग तर आजही प्रेक्षकांच्या बोलण्यात येतात. ‘धडकन’ चित्रपटाची री-रिलीजच्या घोषणेनंतर चाहते चित्रपट पाहण्यासाठी खूपच उत्सुक आहेत. मीडिया रिपोर्टनुसार, ‘धडकन’ चित्रपट 23 मे 2025ला पुन्हा चित्रपटगृहांमध्ये प्रदर्शित होणार आहे. Dhadkan Re Release | ‘धडकन’ चित्रपटात शिल्पा शेट्टी ‘अंजली’च्या भूमिकेत, सुनील शेट्टी अंजलीचा प्रियकर ‘देव’च्या भूमिकेत पाहायला मिळाला आहे. तर अक्षय कुमार अंजलीचा पती ‘राम’च्या भूमिकेत झळकला आहे. याशिवाय महिमा चौधरी, शर्मिला टागोर, परमीत सेठी, किरण कुमार, सुषमा सेठ आणि मंजीत कुल्लर यांनीही सहाय्यक भूमिका साकारल्या आहेत. Dhadkan Re Release | या चित्रपटातील पात्र आजही प्रेक्षकांच्या लक्षात आहेत. ‘धडकन’ चित्रपटाचे दिग्दर्शन धर्मेश दर्शन यांनी केले आहे. आता हा चित्रपट तब्बल 25 वर्षांनंतर री-रिलीज होणार आहे. त्यामुळे प्रेक्षकांची देखील उत्सुकता अधिक वाढली आहे. Dhadkan Re Release | हेही वाचा: पुण्यात खळबळ…! ससून रुग्णालयात बॅाम्ब ठेवल्याची धमकी; येरवडा भागातून आरोपी अटकेत
