Rohini Khadse criticizes Nirmala Sitharaman : नीट पेपरफुटी प्रकरणानंतर देशभरात संतापाची लाट उसळलेली आहे. विद्यार्थ्यांचे दिल्लीतील जंतर मंतर येथे आंदोलन सुरू आहे. या आंदोलनामुळे राजकारण देखील तापलं आहे. अशातच केंद्रीय अर्थमंत्री निर्मला सीतारमण यांनी एक अजब विधान केले आहे. या विधानानंतर विरोधकांकडून त्यांच्यावर टीका केला जात आहे.  (Rohini Khadse)

नीट पेपरफुटी प्रकरणावर भाष्य करताना निर्मला सीतारमण यांनी “पेपरफुटीमुळे सुरुवातीला अनेक विद्यार्थ्यांना धक्का बसला मात्र त्यानंतर काही विद्यार्थ्यांनी अधिक मेहनत घेत आपली कामगिरी सुधारली.” असे वक्तव्य केले आहे. या वक्तव्यावर शरद पवार यांच्या राष्ट्रवादी काँग्रेस पक्षाच्या महिला नेत्याने बोचरी टीका केली आहे.

अक्का, जास्त लोड घेऊन नका, या मुलांच्या नादी तर अजिबात लागू नका कारण हे धर्मेंद्र प्रधान सोडतील आणि तुमच्याच राजीनाम्याची मागणी करतील ! अशा शब्दांत अॅड रोहिणी खडसे यांनी निर्मला सीतारमण यांच्या वक्तव्याचा समाचार घेतला.  (Rohini Khadse)

नेमकं काय म्हणाल्या निर्मला सीतारमण? (Rohini Khadse)

“अनेक तरुण स्वतः सांगत आहेत की, सुरुवातीला पेपरफुटीमुळे त्यांना खूप त्रास झाला. मात्र नंतर त्यांनी या परिस्थितीचा सामना करत अधिक मेहनत घेतली आणि त्यांची कामगिरी सुधारली. अनेक विद्यार्थ्यांनी या आव्हानाचा स्वीकार करून यश मिळवले आहे. त्याचबरोबर सरकारही या प्रकरणात आवश्यक ती कारवाई करत आहे आणि पंतप्रधान स्वतः या विषयावर लक्ष ठेवून आहेत. सरकारने वेळेत पावले उचलल्यामुळे विद्यार्थ्यांचे शैक्षणिक नुकसान टळले. जर सरकारने योग्य वेळी कारवाई केली नसती, आरोपींना अटक झाली नसती.” असे त्यांनी म्हटलं आहे.

“रुपया कमजोर नाही, डॉलर मजबूत होत आहे” च्या घवघवीत यशानंतर सर्वश्रेष्ठ अर्थमंत्री निर्मलाअक्का घेऊन आल्या आहेत “पेपर फुटला ते चांगलं झालं, विद्यार्थ्यांना जास्त अभ्यास करण्याचा वेळ मिळाला”

अंधेर नगरी चौपट राजा! असा सगळा कारभार आहे.

माझा निर्मलाअक्कांना एक सल्ला आहे. अर्थात… pic.twitter.com/qsoKUSJORK

— Adv Rohini Eknathrao Khadse (@Rohini_khadse) July 25, 2026

अॅड रोहिणी खडसे काय म्हणाल्या?  (Rohini Khadse)

रोहिणी खडसे यांनी केंद्रीय अर्थमंत्री निर्मला सीतारमण यांचा हाच व्हिडिओ एक्सवरुन शेअर करत त्यांच्यावर टीका केली आहे. पोस्टमध्ये त्या म्हणाल्या “रुपया कमजोर नाही, डॉलर मजबूत होत आहे” च्या घवघवीत यशानंतर सर्वश्रेष्ठ अर्थमंत्री निर्मलाअक्का घेऊन आल्या आहेत “पेपर फुटला ते चांगलं झालं, विद्यार्थ्यांना जास्त अभ्यास करण्याचा वेळ मिळाला”

अंधेर नगरी चौपट राजा! असा सगळा कारभार आहे. माझा निर्मलाअक्कांना एक सल्ला आहे. अर्थात सल्ला देण्याइतकी मी मोठी नाही पण तरी… अक्का, जास्त लोड घेऊन नका, या मुलांच्या नादी तर अजिबात लागू नका कारण हे धर्मेंद्र प्रधान सोडतील आणि तुमच्याच राजीनाम्याची मागणी करतील ! असे सोशल मीडिया पोस्टमध्ये रोहिणी खडसे यांनी म्हटलं आहे.

संजय राऊत यांनी घेतला समाचार   (Rohini Khadse)

निर्मला सीतारमण यांच्या वक्तव्यावर उबाठा गटाचे नेते खासदार संजय राऊत यांनीही भाष्य केलं. ‘निर्मला सितारमन या मूर्ख बाई आहेत. त्यांना देशाविषयी काय माहीत आहे. त्यांच्या देशाविषयी भावना काय आहेत? त्यांना काय कळतं? आम्ही त्यांच्या नवऱ्याशी बोलू. ते शहाणे आहेत’. असे राऊत म्हणाले आहेत.

India Romania Trade: राष्ट्रपती द्रौपदी मुर्मू यांच्या रोमानिया दौऱ्याला यश; व्यापार दुप्पट, संरक्षण सहकार्य वाढवण्यावर शिक्कामोर्तब