जळोची : उपमुख्यमंत्री अजित पवार हे आपल्या रोखठोक भाषणासाठी सर्वत्र परिचित आहे. असाच एक प्रसंग बारामती तालुक्यातील सुपे येथे पुन्हा एकदा अनुभवास मिळाला. पाणी टंचाईसाठी बारामती तालुक्यातील सुपे येथे आज बैठकीचे आयोजन करण्यात आले होते. यावेळी पवार यांनी कोणत्या गावासाठी किती निधी उपलब्ध करून दिला आहे याची यादी वाचून दाखवत होते. याचवेळी गावकरी उभा राहिला आणि म्हणाला की ‘दादा पाणी योजनेत माझ्या गावाचं नावच नाही.
त्यावेळी पवार म्हणाले अरे बाबा तुझ्या गावाचं नाव आहे. असं म्हणत त्यांनी पुन्हा यादी वाचून दाखविली. यादी वाचून दाखवताच त्या नागरिकाच्या गावाचा उल्लेख होताच तो नागरिक सॉरी सॉरी म्हणत खाली बसला. त्यावर हजर जबाबी पणा असणाऱ्या अजित पवारांनी. तू माझी प्यारी प्यारी. म्हणत उत्तर दिले आणि यावेळी एकच अशा पिकला.
उपमुख्यमंत्री अजित पवार आज बारामती दौऱ्यावर आहेत बारामती तालुक्यातील सुपे येथे पाणीटंचाई बैठकीचे आयोजन करण्यात आलं होतं या बैठकीला बारामती तालुक्यातील दुष्काळी पट्ट्यातील सर्व नागरिक उपस्थित होते यावेळी उपमुख्यमंत्री अजित पवार यांनी त्यांच्या स्टाईलने जोरदार फटकेबाजी केली.
मुख्यमंत्री एकनाथ शिंदे म्हणाले की, आपण दोघेच आयोध्याला जाण्या ऐवजी एक वेगळा दिवस निवडून सर्व मंत्रिमंडळाला घेऊन जाऊयात कारण २२ तारखेला तेथे प्रचंड गर्दी होणार आहे. महाराष्ट्राच्या तमाम जनतेच्या वतीने. प्रभू रामचंद्राचे दर्शन घेऊ. असेही पवार यावेळी म्हणाले.
या बैठकीत एक जणांनी उपमुख्यमंत्री अजित पवारांकडे कायमस्वरूपी पाणी द्या अशी चिठ्ठी दिली. यावर बोलताना पवार म्हणाले की, मागे एकदा असंच पाणी द्या पाणी द्या.. म्हणत चुकून एक शब्द बोलला गेला. पार वाट लागली वाट.. माध्यमांकडे असं म्हणत माध्यमांकडे हात करत हे बसलेलेच असतात असं करून. कुठं दादा सापडतोय… कुठला शब्द कुठे सापडतोय. एवढाच धंदा यांचा.. असेही पवार यावेळी म्हणाले.
288 आमदारात सर्वात जास्त काम मी करतो. सुपा परिसरातील जिरायती भागात 653 कोटींची कामे झाली आहेत. त्यातील काही सुरू आहेत. काहीजणांनी सांगितलं मुंबईला बोलावलं काही मुंबईच्या हातात नाही सर्व या हातात आहे. असं म्हणत त्यांनी अप्रत्यक्ष ज्येष्ठ नेते शरद पवार यांच्यावर टीका केली.