Ajit Pawar – आज उपमुख्यमंत्री अजित पवार (DCM Ajit Pawar) हे नाशिक (Nashik) दौऱ्यावर आहे. नाशिकच्या कळवणमध्ये शेतकरी मेळावा पार पडतोय. या मेळाव्याला येण्यापूर्वी अजित पवार यांनी सप्तशृंगी गडावर जात सप्तशृंगी देवीचे दर्शन घेतले. यानंतर ते कळवणला रवाना झाले होते.

येथील मेळाव्यात बोलताना त्यांनी सप्तशृंगी तीर्थक्षेत्र विकास आराखड्याबाबत महत्वपूर्ण घोषणा केली आहे. तसेच, आगामी लोकसभा निवडणुकीवर देखील त्यांनी भाष्य केलं. लोकसभा निवडणूक अवघ्या काही महिन्यांवर आहे.

त्यामुळे पुन्हा एकदा नरेंद्र मोदी (narendra modi) यांना पंतप्रधान करण्याचा निर्धार त्यांनी बोलून दाखलवला. तिसऱ्यांदा नरेंद्र मोदी (narendra modi) साहेबांना पंतप्रधान करायचं आहे.

तुम्ही तिथं काय करतात? असं काही लोक विचारतात. आम्ही इथं आमची कामं करतो, असं म्हणत अजित पवार यांनी आगामी निवडणुकी संदर्भातील आपली भूमिका बोलून दाखवली.

सप्तशृंगी देवीच्या विकास आराखड्यासाठी 81 कोटी 86 लाख रुपयांचा निधी !

अजित पवार म्हणाले, राज्यासह देशभरातून नाशिकच्या सप्तशृंगी देवीच्या (saptshrungi Devi) दर्शनासाठी हजारो भाविक येत असतात. त्यामुळे भाविकांच्या सोयी सुविधांसाठी काम करणे महत्वाचे आहे.

म्हणून श्री सप्तशृंगी देवी संस्थानच्या तीर्थक्षेत्र विकास आराखड्याला लवकरच मंजुरी दिली जाईल” अशी मोठी घोषणा राज्याचे उपमुख्यमंत्री अजित पवार यांनी केली आहे.

याविषयी बोलताना “येत्या सोमवारी याबाबत मुख्यमंत्री एकनाथ शिंदे यांच्या उपस्थितीत बैठक बोलवण्यात आली आहे. या बैठकीत सप्तशृंगी देवी तीर्थक्षेत्र विकास आराखड्यासाठी 81 कोटी 86 लाख रुपयांचा निधी मंजूर करण्यात येईल’. असं देखील अजित पवार यावेळी म्हणाले.