Ajit Pawar Death Case :  माजी उपमुख्यमंत्री अजित पवार यांच्यासह एकूण पाच जणांचा 28 जानेवारी 2026 रोजी बारामती येथे विमान अपघातात मृत्यू झाला. या अपघातानंतर अनेक शंका उपस्थित केल्या जाऊ लागल्या.

अजित पवार गटाचे नेते अमोल मिटकरी सातत्याने या अपघाताबाबत विविध प्रश्न उपस्थित करत आहेत. यातच आता त्यांनी पुन्हा एकदा या प्रकरणाशी ‘काळी जादू’ आणि ‘अघोरी पूजा’ यांचा संबंध असल्याचा खळबळजनक आरोपही केला.

अमोल मिटकरींची पोस्ट 

अमोल मिटकरी यांनी एक्सवर पोस्ट करत धक्कादायक माहिती दिली आहे. ज्यात त्यांनी म्हंटले की, “काल रात्री अजितदादांच्या प्रतिमेला काही लोक दिवा बत्ती करण्यासाठी गेले असता, त्यांना गोजुबावी या ठिकाणी पूजेच्या ताटात 2 लिंब टाचण्या टोचून ठेवलेल्या स्थितीत आढळल्या, हे कुणी जाणीवपूर्वक करतेय की अघोरी पुजा प्रकार?, असा सवाल अमोल मिटकरी यांनी उपस्थित केला आहे.

काल रात्री दादांच्या प्रतिमेला काही लोक दिवा बत्ती करण्यासाठी गेले असता त्यांना गोजुबावी या ठिकाणी पूजेच्या ताटात 2 लिंब टाचण्या टोचून ठेवलेल्या स्थितीत आढळल्या,हे कुणी जाणीवपूर्वक करतेय की अघोरी पुजा प्रकार??#भयावह pic.twitter.com/ATxertlKnh

— आ. अमोल गोदावरी रामकृष्ण मिटकरी (@amolmitkari22) April 25, 2026

काही दिवसांपूर्वी मिटकरी यांनी याचपद्धतीचा दावा करत म्हंटले होतं की, “सकाळी जे व्हीपी च्या इथे गेलो, तिथेही मला काल काही ग्रामस्थांनी दाखवलं. तिथे दोन काळ्या भावल्या आहेत, त्यांना हिरवे वस्त्र घालून त्याच्यावर लिंबू रोवलं आहे आणि ही पूजा सुद्धा 28 डिसेंबर 2025 ला ज्या ठिकाणी विद्या प्रतिष्ठानच्या बाजूला जे एआयचे इमारतीचे बांधकाम झालं आहे, त्याच्या उद्घाटनासाठी दादा येणार होते, त्याच परिसरात ही पूजा पार पडली होती,” असे एका माध्यमासोबत बोलताना त्यांनी सांगितले होते.

दरम्यान, या संपूर्ण घटनेमागे काहीतरी अघोरी प्रकार किंवा कट असल्याचा संशय शरद पवार गटाचे आमदार रोहित पवार यांनीही व्यक्त केला. त्यामुळे  या प्रकरणाची सखोल चौकशी व्हावी अशी मागणी त्यांनी केली आहे.

हेही वाचा:

Pune Metro : पुणेकरांसाठी मोठी बातमी! मेट्रो आता शहराबाहेर धावणार; ‘या’ ४ भागांचा कायापालट होणार