Agra raid । उत्तर प्रदेशातील आग्रा येथे आयकर विभागाने मोठी कारवाई केली आहे याठिकाणी तीन बुटाच्या व्यापाऱ्यांच्या घरावर  छापा टाकण्यात आला.ज्यामध्ये बेहिशेबी मालमत्ता आढळून आली. आतापर्यंत 40 कोटी रुपयांची रोकड सापडली असून, उर्वरित रोकड मोजली जात असल्याचे सांगण्यात येत आहे.

नोटा मोजणाऱ्या कर्मचाऱ्यांची दमछाक Agra raid ।

प्राप्त माहितीनुसार, छाप्यादरम्यान बूट व्यावसायिकाच्या घरी नोटांचा ढीग सापडला, त्यात ५०० रुपयांच्या नोटा होत्या. किती रोकड आहे याची मोजणी सुरू आहे. आयकर विभागाने नोटा मोजण्याची जबाबदारी बँक अधिकारी आणि कर्मचाऱ्यांवर सोपवली आहे. आतापर्यंत 40 कोटींची मोजणी झाली आहे. ज्याचा हिशेब नाही. उर्वरित रक्कम मोजली जात आहे. एवढ्या मोठ्या प्रमाणात नोटा मोजताना अधिकारी व कर्मचाऱ्यांची दमछाक झाली.

आयकर विभागाला त्याच्याकडे करचोरी आणि बेहिशोबी मालमत्ता असल्याचा संशय होता. विभागाला याबाबत माहिती मिळताच पथकाने तीन चपलांच्या व्यापाऱ्यांच्या आवारात छापा टाकला. मात्र, विभागीय अधिकारी अद्यापही याबाबत बोलण्याचे टाळत आहेत.

कानपूरसह 20 ठिकाणी छापे  Agra raid ।

याआधी आयकर विभागाने उत्तर प्रदेशातील कानपूरमध्ये मोठ्या प्रमाणावर छापे टाकले होते. येथील बंशीधर टोबॅको कंपनीवर विभागाने छापा टाकला होता. या कंपनीने कानपूरशिवाय मुंबई, दिल्ली आणि गुजरातमध्येही आपला व्यवसाय वाढवला होता. याबाबत माहिती मिळाल्यानंतर सुमारे 20 ठिकाणी छापे टाकण्यात आले.

सूत्रांनी सांगितले की, या तंबाखू कंपनीने कागदावर आपली उलाढाल 20 ते 25 कोटी रुपये दाखवली होती, मात्र चौकशी केली असता कंपनीची उलाढाल 100 ते 150 कोटींच्या आसपास असल्याचे आढळून आले. विभागाने 29 फेब्रुवारी 2024 रोजी हा छापा टाकला होता. कंपनीच्या मालकाने दिल्लीत घरही बांधले होते. प्राप्तिकर अधिकारी दिल्लीत पोहोचले तेव्हा तेथे ६० कोटींहून अधिक किमतीच्या कार सापडल्या. 16 कोटी रुपयांची रोल्स रॉयस फँटमही होती.

हेही वाचा
“सीसीटीव्ही फुटेज गायब, आयफोन फॉरमॅट…” ; सीसीटीव्हीच्या व्हिडीओमध्ये छेडछाड