Urvashi Rautela |  बॉलीवूड अभिनेता सैफ अली खानवर हल्ला झाल्यानंतर अभिनेत्री उर्वशी रौतेलाने केलेल्या एका विधानामुळे तिला ट्रोल करण्यात आले. मात्र यानंतर तिला माफी मागावी लागली. सैफ अली खानवर झालेल्या हल्ल्याच्या घटनेवर तिला प्रश्न विचारण्यात आला. त्यावर उर्वशी रौतेलाने जे उत्तर दिले ते ऐकून सर्वच जण तिच्यावर संताप व्यक्त करत आहेत.

‘डाकू महाराज’ चित्रपटामुळे चर्चेत असलेल्या उर्वशीला हिला एका इंटरव्ह्यूदरम्यान सैफ अली खानवर झालेल्या हल्ल्याबद्दल प्रश्न विचारल्यावर हल्ला अतिशय दुर्दैवी असल्याचं ती म्हणाली. मात्र त्यानंतर तिने जे विधान केले ते अचंबित करणारे होते.

#WATCH | Mumbai: On the attack on actor #SaifAliKhan, actor Urvashi Rautela says, “…It is very unfortunate…This creates an insecurity that anybody can attack us. What happened is very unfortunate…All my prayers are with them (Saif Ali Khan and his family).” pic.twitter.com/fcLtGsWSvG

— ANI (@ANI) January 16, 2025

“डाकू महाराज सिनेमा यशस्वी झाल्यावर माझ्या आईने मला हिरेजडीत रोलेक्स घड्याळ गिफ्ट केलं. आमच्या सिनेमाने १०५ कोटींचा व्यवसाय केलाय. तरीही आईने दिलेलं हे गिफ्ट मी खुलेआम वापरु शकत नाही. कोणी हल्ला करुन हे घड्याळ काढून घेईल याची मला भीती आहे. त्यामुळे हे खूप दुर्दैवी आहे,” असे उर्वशी म्हणाली. या वक्तव्यामुळे तिला खूप ट्रोल करण्यात आले. Urvashi Rautela | 

एवढ्या गंभीर विषयावर अशी विधाने करणे अत्यंत चुकीचे आहे, असे काही नेटकऱ्यांनी तिला म्हंटले आहे. यानंतर उर्वशीने लांबलचक पोस्ट लिहत याप्रकरणी सर्वांची माफी मागितली. दरम्यान, अलीकडेच तिला ‘डाकू महाराज’ चित्रपटातील आक्षेपार्ह डान्समुळे ट्रोल करण्यात आले होते. आता पुन्हा एकदा तिने विचित्र विधान करून नेटकऱ्यांचा रोष ओढवून घेतला आहे. Urvashi Rautela | 

हेही वाचा: 

Pune : आपचे आंदोलन;….म्हणून वाहतूक कोंडीत पुणे ‘चौथे’