Gautam Adani  –  अदानी समूह गुजरातमधील वाळवंट परिसरात जगातील सर्वात मोठे ग्रीन एनर्जी पार्क बनवत आहे. ग्रीन एनर्जी पार्क गुजरातच्या कच्छच्या रणमध्ये 726 चौरस किमीमध्ये पसरले जाईल. हे उद्यान 2 कोटींहून अधिक घरांना वीज देण्यासाठी 30 GW वीज तयार करेल. याबाबत गौतम अदानी यांनी त्यांच्या एक्स हँडलवर पार्कमध्ये सुरू असलेल्या कामाची छायाचित्रे शेअर केली आहे. अदानी समूहाच्या या प्रकल्पामुळे भारताची हरित ऊर्जा क्षमता वाढेल अशी अपेक्षा आहे, याशिवाय COP मध्ये केलेल्या हवामान वचनांची पूर्तता करण्यातही मदत होईल.

 

Proud to play a crucial role in India’s impressive strides in renewable energy as we build the world’s largest green energy park. This monumental project, covering 726 sq km in the challenging Rann desert, is visible even from space. We will generate 30GW to power over 20 million… pic.twitter.com/FMIe8ln7Gn

— Gautam Adani (@gautam_adani) December 7, 2023

असे अदानी म्हणाले

आम्ही जगातील सर्वात मोठे हरित ऊर्जा उद्यान उभारत आहोत आणि भारताच्या अक्षय ऊर्जेतील प्रभावी प्रगतीमध्ये महत्त्वाची भूमिका बजावल्याचा आम्हाला अभिमान आहे. आव्हानांनी भरलेल्या रण वाळवंटात ७२६ चौरस किमी पसरलेला हा प्रकल्प अवकाशातूनही दिसतो. 2 कोटींहून अधिक घरांना वीज देण्यासाठी आम्ही 30 GW निर्माण करू.

भारताचे लक्ष्य

2030 पर्यंत, भारत आपल्या अर्थव्यवस्थेची कार्बन तीव्रता 45% पेक्षा जास्त कमी करेल. तर 2070 पर्यंत भारत ‘नेट झिरो’चे लक्ष्य गाठेल.

अदानी ग्रीन एनर्जी सौर, पवन आणि संकरित अक्षय ऊर्जा प्रकल्प विकसित करत आहे. सध्या कंपनीकडे 8.4 GW एवढी अक्षय उर्जा क्षमता आहे. ही देशातील सर्वात मोठी अक्षय ऊर्जा कंपनी आहे. शुक्रवारी कंपनीचे शेअर्स 5.70 टक्क्यांच्या घसरणीसह 1533.00 रुपयांवर व्यवहार करत आहेत. त्याच वेळी, संपूर्ण ट्रेडिंग आठवड्यात, अदानी ग्रीन एनर्जीच्या शेअर्समध्ये 15-20 टक्क्यांची वरची सर्किट दिसून आली आहे. हिंडेनबर्ग रिसर्चचा अहवाल प्रसिद्ध होण्यापूर्वी अदानी ग्रीन एनर्जीचा शेअर 2,185.30 रुपयांवर होता पण 28 फेब्रुवारीला तो 439.35 रुपयांवर आला. मात्र, त्यानंतर त्याची किंमत जवळपास तीन पटीने वाढली आहे.