Radhika Apte New Movie | अभिनेत्री राधिका आपटे हिने अनेक चित्रपट आणि वेबसिरीजमधून दमदार अभिनयाने प्रेक्षकांची मन जिंकली आहेत. राधिका सोशल मीडियावर सक्रिय असून तिने तिच्या आगामी एका चित्रपटाचे पोस्टर शेअर केले आहे. त्याचीच चर्चा आता सोशल मीडियावर रंगली आहे. तिने सिस्टर मिडनाईट चित्रपटाचे पोस्टर शेअर केले असून या पोस्टरमधील तिच्या लूकने सर्वांचे लक्ष वेधले आहे.

राधिका आपटेने तिच्या इन्स्टाग्रावर स्टोरीला सिस्टर मिडनाईन चित्रपटाचे पोस्टर शेअर केले आहे. या पोस्टरमध्ये  हातात सफाईचा झाडू आणि अंगावर असलेली साडी असलेला तिचा लूक लक्ष वेधून घेत आहे. तिने शेअर केलेल्या या पोस्टच्या कॅप्शनमध्ये असे लिहिले आहे की, ‘सिस्टर मिडनाईट’च्या यूएस टॅक्सी ड्रायव्हरपासून प्रेरित अधिकृत पोस्टरचा पहिला लूक. तसेच या चित्रपटाचे दिग्दर्शन आणि लेखन करण कंधारी यांनी केले आहे, असेही तिने लिहिले आहे.

कॅप्शनमध्ये हा चित्रपट प्रथम १६ मे रोजी न्यू यॉर्कमध्ये, नंतर २३ मे रोजी लॉस एंजेलिसमध्ये आणि नंतर इतर शहरांमध्ये प्रदर्शित होईल. हे पोस्टर जेम्स पॅटरसन यांनी डिझाइन केले आहे, अशी माहिती राधिकाने तिच्या या नव्या चित्रपटाच्या पोस्टरच्या माध्यमातून दिली आहे.

राधिका आपटेच्या या लूकवर नेटिझन्सने प्रतिक्रिया दिल्या आहेत. यामध्ये एका युजरने कमेंट केली की राधिका एक हुशार कलाकार आहे. दुसऱ्या एका वापरकर्त्याने कमेंट केली की या चित्रपटाचे पोस्टर १९७६ च्या ‘टॅक्सी ड्रायव्हर’ चित्रपटाच्या पोस्टरची आठवण करून देते.