Tiger Shroff : बॉलिवूडमधून धक्कादायक माहिती समोर येत आहे. अभिनेता टायगर श्रॉफवर गोळीबार करण्यात आला आहे. अभिनेत्यावर जुहू परिसरात गोळीबार करण्यात आला. अभिनेत्यासह दोन जण जखमी झाले आहेत. दुचाकीवरून आलेल्या 3 अज्ञात व्यक्तींकडून अभिनेत्यावर गोळीबार करण्यात आला आहे. पोलीस याप्रकरणी तपास करत आहेत.

टायगर श्रॉफ नेमका कोण आहे ?

बॉलिवूडमध्ये आपल्या दमदार अ‍ॅक्शन, जबरदस्त स्टंट्स आणि फिटनेसच्या जोरावर स्वतःची वेगळी ओळख निर्माण करणारा अभिनेता म्हणजे टायगर श्रॉफ. प्रसिद्ध बॉलिवूड अभिनेते जॅकी श्रॉफ यांचा मुलगा असलेल्या टायगरने २०१४ मध्ये ‘हिरोपंती’ या चित्रपटातून हिंदी चित्रपटसृष्टीत पदार्पण केलं.

पहिल्याच चित्रपटातून त्याने प्रेक्षकांचं लक्ष वेधून घेतलं. मार्शल आर्ट्समधील कौशल्य, अप्रतिम डान्स आणि पडद्यावर स्वतः स्टंट्स करण्याची क्षमता यामुळे टायगरची तरुणांमध्ये विशेष लोकप्रियता आहे. ‘बागी’, ‘वॉर’ आणि ‘बागी २’ यांसारख्या चित्रपटांमधून त्याने अ‍ॅक्शन हिरो म्हणून आपली ओळख अधिक मजबूत केली.

अभिनयासोबतच त्याचा फिटनेस आणि मेहनतीचीही नेहमीच चर्चा होते. आपल्या वेगळ्या स्टाइलमुळे टायगर श्रॉफ आज बॉलिवूडमधील लोकप्रिय अ‍ॅक्शन अभिनेत्यांपैकी एक म्हणून ओळखला जातो.